pamagmasusi kaniti marapat king tawli nang aldo ning
pista uling iti metung ya karing maragul diling bage
ning katatagan. Angga ing curang talasaup inampang
nong marine pa kang Ibarra ring anggang kabayaran
da ring misang adwan da kaya an^ang e ya mayari ing
eskwela. Atin pa, ing kapatad a Rufa, ing makwalta
dapot matipid a babai, nung kumulang kwalta, ya mamunta
ya karing myayaliwang lugal ban manyawad
ambag, lalam na mu ning pitayan a bayaran da sana
ing gugul na king paglakad na at ing kana’na at aliwa
pang bage. Pepasalamat ya i’lbarra at nganang me.
kibat:
"E tamu makatipun dakal uling aku e ku makwalta at ing eskwelang ini e ya pisamban. Subali pa e ku pengakung italakad ke king gastus ding aliwang tau.”
Ding kayanakan at ding magaral Menila a dinatang maki-pagpista pagmulalan de i’lbarra at buri rong apusan, dapot anti mo ing madalas malilyari buri ta lang apusan ding taung pikabalwan king kayapan da dapot ing keynan da ya ing tutukyan tamu o kaya ita na pin mang e mayap king dapat na uling e tamu agyung daptan itang kayapa'na. Daka’la kareting bisang makyapus detang ing pagumasdan da ing nung makananu ya pangatali ing korbata ning taung buri rang apusan, itang kwelyu ning kamisa na at e la ditak ding magumasid naman nung pilan ya butunis ing americana o ing chaleco.
Itang malungkut nang ukulan mapalyaring matwang Tasiu balamu mipda na ngang lubus at iti sinabi nang Ibarra kaya misan a yaldo dapot ing matwa nganang mekibat:
"Atatandanan miya mu ining sinabi nang Baltazar;
- 'Nung king panyatang mu sagana ya keka
- ing taung manirug at makatiman pa
- Magsadya ka't mingat, lihim kasalang ya.."
I’Baltazar e mu ing mayap yang poeta nune malalam ya pang misip. Ing anti kaniting myayaliwang bage yang mapa palyari king kabispirasa'ning pista bayu ya lumbug ing aldo.
