"Abibitasa mi! Ketang mangiling king daun karin
de pikwanan yan..
"Ustung e ku menikwa mag-himala ya ing dayatan a ini...!"
Tinarak neng Leun ing kwayan at misdan ya. E ne begut ing kwayan a tinarak na at nganang malale:
"Ating metung a dapu. .
"Dapu.. .?” ngarang minulit.
Linipat ya ing amanung dapu karing sablang asbuk busal ning takut at pamangalimgiman.
“Nanung sinabi mo. ..?” ngarang kinutang.
“Ating mebaklad a dapu. . . nganang Leon at pekatarak ne ing kwayan a tatalna'na at ngana pa;
“Daramdaman yu yang katog. . .? Aliwa ing balas ita. Ya ing masyas nang balat, ing gulut ning dapu.
Akakit yong mumugun deng kwayan. . .? Magpapalag ya ing dapu bista’man atne kakulung. Manaya kayu: maragul ya rin ing katawa’na, damak ya king lapad o migit.
"Nanung daptan tamu. . .?” yan ing kutang.
“Dakpan ya. . .!” nganing metung.
“Jesus. . .! o ninung dakap. . .?”
Metung man alang migkusang dulung king danum uling malalam.
"Itali taya karing kekatang bangka at saka taya iguyud angga king balen ba’lang mangasdan. . nganang Sinang. "Biru mung yang mengan karing asan a sukat tang kanan.”
"E ku pa menakit dapung mabye angga ngeni.. nganang sisitsit Maria Clara.
Tinikdo ya ing pilotu, sigmit ne ing makabang lubid at sinampa ya king tuklwanan babo baklad. Ligal neng Leun.
Subali kang Maria Clara alang mekapansin kaya nune pamu ngening penandit. Pagmulalan da ing masanting nang pamikakatawan.
Misdan la't mipagulisak ding sabla inyang ikit deng linundag king kulunga'ning baklad.
"Dalan ye ining kutsilyu...nganang Ibarrang kinulait at kinanwa yang kutsilyung malapad a taram a gawa Toledo.
