temporal Oh! mores...!) "Ding tau pin naman. . .!
Ating mirarangal, atin namang mabibigu. ..!”
Mayli la ngan, angga na i’Victoria, kabang i'Sinang naman nganang sisitsit kang Maria Clara:
"Karirya ko...! Nung byasa kung magkanta, ay! migkanta ku naman sana. . .!”
I Anding pepabalu na king ing sigang bubukal na at panaya'na la mu ring asan. Ing anak ning bangkeru minukyat ya at pinta'ne ing baklad a nung nu la makasukul ding asan at yan ya ing makasulat king italyanu, nung ayntindyan da sa ring asan: "ing asan a milub king baklad inya mu milwal ya pota na mung ilutu re. . .” (Lasciate ogni speranza toil ch’entrate)*.
"Ah! karin. . . karin, e ku magal mamadwas, ketang pisakan da karetang asan a reta. . .” nganang Sinang maligaga at kukuratsi.
Ding sabla manenaya la at alub da namung akit dong maglundag ding asan a kikinang a kaliskis. Dapot inyang yukyat ne ning anak ing dala metung man alang mekwang asan.
"Sukat sanang mitmu ya ing dala uling ati'nang limang aldo ngening e re tataginan yan . . . ,” nganang Albino. Ing danum mang masalusung tinakas ketang alang laman a dala, balamu kaylyan na la. Metung yang matinding Ay ! ing agnan dang migtingangas ding sabla.
Numanu ya mang sumalap ing anak alang lalto asan.
"Ah! e ka byasa. . .! " nganang Albino. "Alben mu, aku.. ., Andeng, ibuklat me ing kaldcra. .
I’Albinu man ala yang ikwa, at ila ngan keylyan de.
"Maynge ko kasi at daramdaman da naman deng asan. Nung masigla, e mo arakap... Marahil sira ya ing salap a ini ...!” Ing salap ala yang sira nanu man.
"Lon ke, aku naman,” nganang Leon, ing kakaburi nang Iday.
Sinyasat neng mayap ing baklad, ing salap at kaybat nganang kinutang:
"Abibitasa yung e re pa selidan ing baklad a ine lub ning limang aldo. . .?”
