I Maria Clara minisip ya.
Ikwa rang miras king baklad. Ing matwang bangkeru tinubung no ring bangka ra king metung a kwayan.
"Manaya ka...!” nganang Tya Isabel king anak ning matwang makasadya na sanang mitasak king baklad ban dakap asan. "Kaylangan makasadya na ing sigang ban keta karakap ding asan taglus la king sabo. . ."
"Kaganaka nang Tya Isabel. . . nganing magpari, "E no buring misaka king danum ding asan agyang saguli mu. .
I Anding a kapatad nang Maria Clara king Indu, bista'man atin yang lupang makinis at masaya mayap yang magkalutu. Sidya na ing sabo-abyas, bilugana' nang kamatis at kamyas kabang sasaupan de o pangabalanan mu ring bayntaung maki lub magnasa kaya. Ding aliwang dalaga naman luluglugan da ing myaliwang gule, kulubasa, gisantis at pengili ra ing kamangyang kasingkabang sigarilyu.
Ba'nang paten Iday itang inip da ring manayang manakit karing asan a kikilig at magliparak king su~ kulan dang dala, kinwa ne ing alpa. I Iday, subali king byasa yang tigtig, atin ya pang matikmus at malinatnat a taliri.
Mikpak la ring kayanakan, i'Maria Clara inuma ne. Ing alpa ya ing pibuburyan dang titigtigan ketang lalawigan a ita at ya naman ing makabage ketang penandit a ita.
"Ikanta mu ne Victoria, ing Dalit ning Talasawa...ngara ring mangatwa.
Tinutul la ring bayntau, at i’Victoria minyangkan ya at sabi na payo ya. "Ing Dalit ning Talasawa”, masanting yang dalit tagalug a milalarawan king kasakita’na ning bye talasawa dapot masasambitla mu naman ing kaligayan at yubu ning bye iti.
Inawad da kanita king i’Maria Clara yang dalit.
"Ing dalit ku pawang malungkut . . .”
"E bala, e bala. ..," ngara ring sabla.
Kinwa ne ing alpa, migparasakali ya at peparamdam ne itang malambis, mayumu nang siwalang magdala karing amanu ning pusu ... !"
