lumawe king bunduk o king pangpang. Kelunusa’ne
ning dalaga ketang kayang pamagdilidili melaus yang
dinaklut galyetas at binye ne kaya. Mipamulala ya ing
pilotu, kinanwa yang metung at saka ya pepasalamat
king amanung halus e mu man damdaman.
Pasibayu yang migdilidili. Ing masigla rang sagakgakan ding kayanakan a mipamiru e na umanan itang matamle at tahimik nang panaske. Ita mang gigit ning masayang Sinang a parating sasyo king kandut a talanggapa’nang mangapangisngis, e na pikabyang.
Kaybat ning almusal, sinulung no king lugal a nung nu la dakap asan.
Adwa lang karinan a mikakandayu ring inayan da, lugal a nung nu la dakal ding asan. At yang lugal a yan, bandi nang Capitan Tiago. Ababatyawan da la ring galsang makatuklu karing kwayan kabang ding tagak lilibad lang mababa ketang dayatan a malati (Iago) at potans mitagkil la pakpak king danum mukyat lang gagalikgik.
I'Maria Clara tikya'nong lalon ding galsang memanyulapo at minta king kadwang bunduk inyang milapit la ring karelang bangka.
"Manyale la reng ayup a ren king bundok...?” nganang kinutang Maria Clara king pilotu, o uli ning iti buri nang abalu nune ba’ya mung magsalita ing kitna’na.
"Marahil, ginang...,” nganang mekibat, "dapot angga ngeni metung man ala pang menakit karing sale ra..
"Ala lang sale reng ayup a ryan. . .?”
"Ukulan ku atin, uling nung ala, ayup lang alang kalma...!” E na aulingid Maria Clara itang lungkut a makapampan karing amanu na.
"Sasabyan da ginang," nganing piloto, "king ding sale ra deng ayup a ren e la mayayakit, at ninu man ing manikwa kareti e no akakit. Anti mo nung makananung king kapamilata'ning malabug dang salamin ding mata, karin ya mu mayaninag ing kaladwa, ring sale ra naman deng ayup a ren malyari mong akit king salami'ning danum..
