Ing siwala na e apamalarawan; metung a paginakit, pamalsala, saingsing; metung a pangadi, ya ing kalungkutan a metipun king metung a dalung.
Ding sundalus, anting melunus, pekibatan de king metung a tangu. I’Sisa sinulung yang masalusu at migkanwaring alang nanu mang pamigaganaka.
Ketang penandit mipagmulan lang metigtig ding kumpana, pabalu king pangapupus na ning mumunang misa. I’Sisa lalu nang selusu ing lakad na ban, nung malyari, é na no asaganan ding taung ibat sinimba. Dapot é milyari! Alang paralan ban apanginlaga'na la.
Timana'nong malungkut ding adwang kakilala nang kukutang kaya king karelang panlalawe, at kaybat, ban apanginlaga'na itang kamarinayan, diku ne ing kayang buntuk at makalawe nya mu lalam, dapot makapagmulala, mangatakid ya karing batu ning dalan!
Ding tau pasituknang la sagasaguli ban lawan de, misasabi la't tutukyan de karing panlalawe; ing sablang iti akakit na, daramdama'na bista't makababa ing kayang panlalawe.
Dimdam na ing mamakarine nang siwala ning me tung a babaing halus gugulisak mangutang gulut na:
"Nu ye arakap? At ding kwalta?”
Metung yang babaing alang tapis, makasayang amarilyo at berde at kamisang malino asul; makilala ya king kayang piblas a sulud da ring babai ring sun dalus.
I’Sisa anti ya mong metampaling, itang babai anti ne mong libasan arapan ding malda. Tinas no sinaguli ring kayang paglalawe ba'nang pilasan ing panalipusta ampon palkara; ikit na ring tau marayu na la, malaut no kaya, makanyan man panamdama'na pa ing dawak ding karelang panlalawe, at daramdaman ing karelang pamisitsitan. Itang kalulung babai lalakad yang anti mong e makagpa king gabun.
"Hoy! banda keni!” nganang milyo kaya ning metung a guardia civil.
Anti mo ing metung a makinang malalagpak, bigla yang mibalikwas karing kayang bitis. At alang akakit, e na minisip, milayi ya ban salikut; ikit ne ing metung a pasbul a nung nu ya atyu ing metung a bante, milusuk yang Iwal, dapot ing metung a siwalang ma-
