at adwang dalan mu namang kwitis a kalaga ra ring
bomba. Ipanabilin ta la karing gagawa Malabun.”
"Nang kwenta ra ren?” nganing metung a matwa. "Nung tidwa lang pesus e ku pa masdan, lalu na kung e mangaklak. Marahil pa nung titlu lang pesus. .. Ilista ya, Pl,000 para karetang bomba at kwitis.”
E no mekapibata ring matwa. Ding mapilan memanalakad la at misabi-sabi.
"Subali pa kanyan, ba’rang akit ding karatig a balen ing byasa tang gumastus at labis-labis ta gugulan,” nganang masikan tinuglung Don Filipo at pepasuglapa'no ring kalaban da, “Mumungkahi ku pa ing mumuna: Mika-apat a hermano mayor karing adwang aldo ning pista, at kadwa: balang aldo mugse tamung 200 a pritung manuk, 100 a relyenung kapun, at 50 litsun, anti mo ing depata’nang Sila, ketang panau'nang Ciceron a binggita'nang Capitan Basilio.”
"Makanyan pin, anti mo i'Sila!” nganang minulit Capitan Basilio bilang mepuri.
Ding daramdam e ra ayntindyan ing malilyari.
"Anti ning mamanyatang la ring dakal a makwaltang ibat karing aliwang balen at magdala lang libu libung salapi at ding peka-mayap dang manuk a sabungan anti mu rin ipis a pisugalan, mumungkahi kung mika labing limang aldo sabung at paburen lang mibuklat deng bale-sugalan. . .”
Selabatan do ring kayabe nang kayanakan uling bala ra memulang ne ing tininti mayul. Ding mangatwa naman mapali lang mitataltalan.
"At katatawlyan, ba’no mang e maginakit ding kaladwa..
E ne merandam man a siwala. Dinabungbung ing alingongo at gulisak misusumangid at ing meging wakas kagulwan.
"Ali...!” nganang gugulisak ning metung a matwang maigpit nang kasalang. "E ku payntulutan mirangal ya uli ning pyesta! Aku, akung magsalita...!”
"I’Don Filipo milanga’na katamu. Salangsangan ta ya ing munikala na... Mekikampi ya karing kalaban, salungat tamu...!”
