ban e kakaba ing panaun, a ikayu man, makamal,
akakit yu. Makalma kung tanggapan kaniting kapulungan
ing kapayntulutan a ipanigapu ko?”
Dinuku yang makatiman ing migsalita.
“Magsalita na kayu, buri ra kong tutung damdaman...,” ngara ring siglawe na lagyu at ding aliwang maniwala king magaling yang manalumpati. Ding mangatwang kalupa na sisigam lang magmaragul at pililigisan do ring gamat da.
I’Capitan Basilio, kaybat nang pinulis ing pawas na king sutla nang panyu, nganang tinuglung:
“Anti ning ing ganaka yu't pamanusig pigkalam na kening malati yung talasuyu ing magsalitang muna bayu karing aliwang makarungut ngeni, samantalanau ku iting penandit ning kalam yu at pagmulan ku na. Balamu wari king bili kung ini, ati'ku libutad ning kagalanggalang nang Pigagawan Kautusan ning Roma (Senado romano) senatus populusque romanus, anti mo ing sasabyan mi ketang masiglang panaun a ita, a king keala’nang kalma ning ketawan, e na magbalik pa, yawad ku kekong kayabe kung mipupulung ngeni, (Patres Conscripti) katulad nang Ciceron, nung yang magbili king katatalakaran ku ngeni, mumungkahi ku king anti ning tutu nang makuyad ing panaun, at ing panaun gintu, anti mo ing sabi nang Salomon, ing balang migsalita sana yapse na ing pamalak na masala, malagwa at alang paliku-liku. Sinabi ku na!”
Mamayagpag ya king sarili na at king katahimikan ding mekiramdam, linukluk ya at linawe neng magmaragul i’lbarra a makalukluk naman king metung a suluk ampon ding kakalugura'na at karela ngana wari: “Ngayu paya...? Tinud ko. ..?” Ding kakalugura'na bilang pakibat king lawe na belikdan da no man ding kayanakan at pamariryan da la.
"Ing ninu man makapagsalita ne ngeni. . . ehem!” ngana ning gobernadorcillo a e milud a amanu pauli ning ing kuku at saingsing simpungan da ne naman.
Anti ning alang tatalakad uling alang bisang mayaus patres conscripti, semantalana'na ing katahimikan Don Filipo at tinalakad ya at minyawad yang amanu. Ding mangatwa mikindatan la at misinyalan maki kabaldugan.
