muntuk ning lupung ding kayanakan (grupo liberal).
Atin yang makasadyang munikala iti inya pin e na
agad pepabalu ing sukat magugul king katatagan. Lon
yu, labi nang metung a yaldo ing makatagan."
"At oyta, melakwan yang mekipulung king masakit a cura," nganing metung karing kayanakan.
"E bala,” nganing metung, "makasadya ta naman, E mu sana mipamayapan ing munikala ring matwa. .
“E ko migaganaka, e matanggap,” nganang Don Filipo. "Aku ing myapag king munikala ra . . .!”
"Nano, nanu ita...?" ngarang kinutang roengasdan ding mekaramdam kaya.
"Ngaku, king nung aku ing munang magsalita, yapag ke ing munikala ra ring kalaban tamu.”
"O ing kekatamu...?”
"Ikayu naman ing mipalad king kekatamu," ngana king metung a kayanakan a cabeza de barangay. "Manyabi kayu kaybat kung mesambut.”
"Don Filipo, e ra ko asalakayan a buring daptan.. ngarang makisalupsupan ding kasabi na.
"Makiramdam kayu . . ." nganang sinitsit karing adwa o atlung makiramdam kaya. "Ngening abak akasabi ke i’matwang Tasiu.”
“O ngeni...?”
“Ing matwa ngana kaku: ‘Ding makatwa kasaman da kayung migit king nanu mang tangka yu. Buri yung e marapat ing nanu man? Nung makanyan ikayung myapag king munikala ra ring kasumangid at bitasan yung agyang nu ya pa anti kaulaga ing inapag yu salangsangan de. At kasambut yu payapag yu neman ing talagang munikala yu agyang kaninu na mu karing kayabe yu, at ding kalaban yu, ba'kayu mung mipakarine, pamayapan de. Dapot pakasikap yu iting lihim...’”
"Dapot..”
"Inya aku ing myapag king munikala ra ring kalaban tamu at pandagdagan ke ba’lang kumasnuk. Ah! manaya kayu, oyan ing Ginung Ibarra ampon ing guru."
Deting dinatang pigayan do ring adwang lupung a milalaban dapot e la mekilauk king pisasabyan da.
