mangalagung amanu nung iti andaman mu mu.
Pagdamutan mu na ing siswan mung salita at e mu rugu
pamaluktutan ing kastila uling yan e makabage kekayu.
Balu me i'mestrung Ciruela? I'Ciruela metung yang
mestrung e man byasang masa dapot mibuklat yang
pipagaralan. Buri kesang patdan a salita dapot daglus
yang meko, linub ya king silid na at sera neng bigla
ing pasbul. At nanu mo ing dantan ku? King karitak
ku sasaluran at bayu ko akwa kaylanga'no pang pamayapan
ning cura, at king buntuk balen (cabecera)
ning lalawigan karin ko pa kwanan, o nanung arapat
kung laban kaya king ya ing mumunang kayupayan a
pamintwa'ning balen king kabyayan na’t palakad,
kakapina’ne ning kayang kapataran (corporacion)
a katakuta'ning kapamahalan, mabandi, masikanan,
kutnanan, paniwalan at pakiramdaman ding sabla?
Inumis na ku? Kwanan ku na king e bubulad. Nung
makibat ku milako ku panga-mestru, at mabating ing
payntungulan ku. At e king uli na nita sumulung ing
palakad king pamanuru. Ding sabla akalaban ko pa
uling kimpyan de ing cura. Apikasaman da ku, awsan
da ku pang mapagparangalan, magmatas, masyas a
lub, e mayap a kristyanu, matsura pipagaralan, at
lalung marok, awsan da ku pang laban karing kastila at
talasalungat (filibustero).
