ku kekayu. Pignasan kung ibayu ing palakad, keylyan
da ku. Ba'kung larinan sana itang kamalyan a sasabyan ku,
tingka ku ing turung kastila karing anak uling
subali king iti yutus na ning Kapamahalan (Gobierno)
pakinabangnan da pa ring sabla. Ginamit ku ing mayap
diling paralan karing lagyu at salitang e masakit
at e ku tikyan ing mangakabang tuntunan at talaga ku
sana ituru ku kaybat ing pamangamit karing amanu
kabud ayntindyan da na ing kastila. Kalabas namu
ing mapilan a duminggo retang matni buntuk halus
ayntindyan da na ku at makapagsalitang tunggal ditak
a kastila."
Ing guru tinuknang ya at balamu magsalupsupan. Kaybat nganang tinuglung:
“E ku sukat pikarine isalita ing merapat kanaku. Ninu man ing mibili king lugal ku, makanyan mu naman ing depata'na. Ngaku pin, migmula ku sang masalese. Dapot kaybat ning mapilan aldo i’Padre Damaso, ing cura kanita, pepayaus na ku king mayul. Anti ning balu ku ne ugali at e ko buring manaya, agadagad kung menik, pigayan ke at minye kung mayap a yaldo king amanung kastila. Ya, ing pakibat na king puge ku, itang maka-gong nang gamat a pauma na, bigla neng inurung at e na ku pekibatan man. Sinagakgak yang masikan bilang sunu. Mengatilihan ku. Makarap ya pa naman ing mayul. E ku balu ing sabyan ku. Lalon ke kabang kaylyan na ku. Migagaligit ku at maibug na kung gawang e manayun uling inukul kung ing maging mayap a kristyano at ing pamagIwalu king sariling dangalan e na man adwang bage milalaban. Kutnan ku ne sana inyang ing ayli na libaya’nang pamanumis at nganang minyunu kaku: "Ah! Mayap a yaldo (bue.nos dias) pala, ne? Buenos dias, aha...! Kasanteng, byasa na ka palang kastila...!”
Meyli yang bagya i'Ibarra.
"Mayli kayu. ..,” nganing mestru at mayli ya naman. “Ipagtapat kung ketang penandit a ita e ku mikalub mayli. Makatalakad ku. Daramdaman kung mumukyat king buntuk ing susulak kung daya at ing kildap ning mwa delumduman na ku pamisip. Akakit ke ing cura marayu yang marayu. Delusungan ke ba’kung makibat dapot e ku balu ing sabyan ku. Tinakbang ya pilatan mi ing mayul, ya naman tinalakad ya at ngana kaku king amanung tagalug: "E na ka gagamit
