ngeni. Itang tikyan ku tikusa’ne ing pipagaralan
(escuela) at dinikil ya king pamamisaling tabaku. Ing
pengari yu inampuna’na ku, linawe na kung tuknangan
at binye na kaku ing sabl.ang kaylangan ku ba'yang
sumulung ing pipagaralan. Mame ya king pipagaralan
at dirina’nong kwalta ring anak a magaral a pakakalulu
at ding mapagaral. Dinina’nong libru at papil. Dapot
iti, kalupa ning nanu mang mayap a dapat, sinaguli
mu!"
Leko neng Ibarra ing kupya na at mengadi yang malwat, kaybat ngana king kayabe na:
"Ngayu sasaupa'no ning pengari ku ring anak a kalulu, o ngeni makananu la. . .?"
“Ngeni magkapilit la rin at susulat la pota mung malyari lang sumulat,” nganing kasabi na.
"O nanu ing maging sangkan?"
"Itang galut-galut dang imalan at ding mata rang maririne kaniti.”
Tinahimik ya i'Ibarra at kaybat nganang maki lub kinutang:
"Pilan la ring tuturu yu ngeni. . .?"
"Ding makalista maigit lang adwang dalan a anak dapot ding lulub adwa lang pulu't lima . . .!"
"O ba't makanyan. . .?" Ing guru ning pipagaralan matamle yang tiniman. "Metung yang salitang makaba at makabuysit nung ilarawan ku kekayu ing makapauli kaniti..
"E yu ukulan sana king ing kutang ku metung mung alang kabaldugan a pamanuliksa,” nganang migsalitang Ibarra kabang ing panimanma'na makatangad ya king marayu. "Kaybat kung pibule banayad, ukulan kung ing pangabalayu'na ning inisip ning pengari ku migit pa ulaga kesa king kyakan ke, king ipamali ke. Ing aun na ya ing banal a melalang (naturaleza) at ilang meging kasalang na ing balen at ing metung a pari: Patawaran ke ing mumuna pauli ning kamangmanga’na at ing kadwa king uli na naman ning panugali na at pauli ning yang nais ku ing igalang ing Kasalpantayanan (Religion) a minye sala king kalipunan. Bisa ku ngening kimut at dapat agpang king malinis
