- Anti ning buri ning malda ing
- mumulangan at kaniti mamayad
- ya pa, pakisabyan mu ne
- pin mang kamulangan ba’yang
- mipanusigan.
Ing malating dayatan a makalibutad karing bunduk, payapa yang matudtud maka-ulas kanyang balatkayu ning panaun. Balamu mo wari ketang milabas pamung kabengyan e ya sinaup king kabwangisa’na ning sala a gigising king kikilap nang katawan ning danum, mayayaninag la banda karin, ketang halus kawakasa'na ning alaya, ding malabug dang anino ring bangka ra retang darakap asan a misasaka karing inugse rang dala kabang ding kasku naman laladlad do ring karelang layag.
Ating adwang lalaking makapaldas a tahimik magumasid karela ibat ketang makatas a lugal. Ing metung kareti ya i'lbarra at ing kadwa metung yang kabayangnan, aske yang e mapagmatas, at lupang matamle.
"Oyni ing lugal!” nganing kadwa. "Keni re inugse ing bangke nang Ibpa yu. Keti na ke tiki ning mangutkut, ing tenyente Guevara at aku!”
Sikmal neng matalik Ibarra ing gamat ning kayabe na.
"Ala kong sukat pasalamatan kaku,” ngana ning sikmal na gamat. "Dakal ku utang a lub king pengari yu. Ing bukud mung arapat ku kaya ing mekipatnugut ku inyang ikutkut de. Inyang lumapit ku kaya, ala kung kayabe, ala kung delang sulat a pakilala nung ninu aku, alang makibalu kaku, ala kung bandi anti mo
