naman ding kaladwang aligtas ko ! Inya paniwalan yu
ku, apusan yu ing daraptan ku.”
“Bah! o ing daraptan ku lalung masanting...” nganing kapatad a Sipa.
“Nano... ? Lalung mayap. . .?” nganang misdan kinutang Rufa. "E tutu yan! Ing daraptan ku ya ing mayap dili!”
“Pakiramdaman yu ku saguli ba’kong maniwala, kapatad...” nganang marimlang mekibat matwang Sipa.
“Lon ta na, Ion ta na... makiramdam tamu...” ngara ding aliwa.
Kaybat ning pigawa nang sigam, oyni ing selita ning matwa:
“Ikayu ngan balu yung pangadyan taya ing Bendita-sea-tu-pureza at ing Señor-mio-Jesucristo, Padredulcisimo-por-el-gozo, makinabang kang apulung banwa balang letra...”
“Adwang pulung banwa ! Ali, kulang! Lima mu !” ngarang misalu-salu ring manang.
“Labis metung, kulang metung, ya naman! Ngeni, kabud ing utusan kung lalaki o babai mekabalbal yang metung karing pinggan ku, basu o silyo o aliwa pang kasangkapan, papulut ku itang anggang mengalasi at balang kabutil king mengalasi, papangadi ko ring Bendita-sea-tu-pureza at ing Señor-mio-Jesucristo- dulcisimo-por-el-gozo, at ing kapatawaran a nabangnan ku kanyan, dirikil ku karing kaladwa. Keta bale balu ro ngan deng pangading den subali mu ring pusa ku.”
“Dapot ding utusan yu ilang sukat numabang karing kapatawaran, kapatad a Sipa, uling ilang mengadi...” nganang tinutul Rufa.
“Aba! O ninung mamayad karing mebalbal kung kasangkapan...? At buri ra ita, bala yu galang, at aku buri ku na naman. E ko man babarugan, neng kai sintuk mu o kandut...”
“Apusan ku yan ! Aku man! At aku!” ngara ding babai. “O nu mong ing pinggan mig-adwa ya mu o atlung pirasu, e kasi karitak yu mu nabangnan...?” nganing masyas a matulid a Rufa.
“E bala, papangadi ku la rin at ding mebalbal pi-
