Page:Dinak-Sagiden-Noli-Me-Tangere-Iti-Iloko-IV-ni-Jose-Rizal-N719i.pdf/66

From Wikisource
Jump to navigation Jump to search
This page has been proofread.


natarnaw nga anak ti Pilipinas, dayta nalibnos a ili a nangiupon kadagiti naindaklan a gun-gundaway ti ina nga Espania ken ka- dagiti pasayaat a kabkababalin ti maysa nga ili nga agkabanuag. kas panagtipon ken kadagiti amin a nalibnos ken napintas taltalugading a naikawes kadagiti dua a pulpuli; ket iso ti gapo- na a ti ayat ko kenka ken ti ayat ko iti Daga a nakayanakak ag- balinda a maymaysa...? Mabalin aya nga inka lipaten? Nanim ado a kas la innak matimtimod dagiti aw-aweng ti pianom ken ti nasam-it a timek mo, ket sadi Alemania, no iti mumalem, ta innak agpalpallailang kadagiti bakbakir, bakbakir a napunno ka dagiti datdatlag a parpartuat dagiti dumadaniw ken kadagiti pay met nalmeng a sarsarita dagiti nagapanen a kapkapututan, kana- yon a innak aw-awagan ta naganmo, kas ka man itay makita iti alibuyong a tumaod iti tukok ti tay-ak; kas man itay deng- denggek ta timekmo iti waneswes dagiti bulbulong, ket no day- tay agguudungen dagiti agtaltalon a manipod pay la iti adayo indan ipangngeg dagiti dandaniwda, kas man itay maidanggay dagiti dandaniw ti pusok a maidaton kenka, ket kas man itay agpaypayso dagiti parparmata ken dardarepdepko. Pasaray mayaw-awanak kadagiti gingginget dagiti banbantay, ket ti rabii a sadiay mangin-inot a bumaba, innak madatngan nga agpalpal- lailang pay laeng, a mangsapsapol iti dalan ko iti nagbabaetan dagiti kaykayo; ket no adda sumagmamano a sinsinamar ti bulan a maisiray iti nagbabaetan dagiti nasamek a bulbulong, kas man itay inka makita iti tengnga ti bakir a kas maysa nga anniniwan a naayat, di mailasin, agkalkalautang iti paginnagawan da lawag ken sipnget ti nasamek a bakir; ket no kas ti tumaytayab a ruisenior inna ipangngeg dagiti nadumaduma a sagsagawisiwna, ipagarupko nga agdayyeng gapo ta makitanaka ket ti inna ken- kuana mangpaltiing, di ket sabali no di sika. ¡No linaglagipka met laeng! Ti pudot ta ayat mo saan la a kasna ikkan iti biag iti panagkitak, ti angep ken kasna ikkan iti maris ti nagbalay a danom! Sadi Italia, ti nalibnos a langit ti Italia, gapo iti kina- dalos ken kinamangliwengliwengna, inna idi isarsarita kaniak dagita matmatam; ti naragsak a buya dagiti pagtatalunan inna met isarsarita ta isemmo, a kas met panangisarsarita da kaniak ita ayat mo dagiti tantanap sadi Andalucía, a ti pul-oy da sumaya- musom iti banglo, napunno kadagiti laglagip nga aggapo sadi Daya, laglagip nga aglablabunan iti imnas ken buya! Kadagiti


— 53—