---¿Nalaglagipnak met la a kankanayon? ¿dinak nalipa- tan iti kasta unay a kababaniagam? Nagado a dadakkel a pag. pagilian nga ado dagiti babbalasang da a nalalapsat Ni Crisóstomo, ta kabsat met ni Kaín, ammuna a kalilisan dagiti salsaludsod ket naulbod met bassit, gapo na a:
Mabalin aya nga inka lipaten? -ti insungbatna ket pinerrengna nga istay naawan amin a riknana, dagiti matmata ti kaayan ayat na; - mabalin aya a labsingek ti maysa a sapata, sapata a napateg? Malagipmo daydi rabii, daydi rabii a nadawel a idi ta nakitanak a maymaysa nga agsangsangit iti arpad ti bangkay daydi ina, inasitgannak, inbataymo ta imam itoy abagak, dayta imam a nabayag idin a dika paiggaman kaniak, ket kinunam: "Napukawmo ni inam, siak naisigsigod nga awanannak"... ket dinanggayannak a nagsangit. Sika inayatmo piman daydi inak, ket iso inayatnaka met a kas anak. Iti ruar, agtudtudo idi ket agkimkimat, ngem inpagarupko a músika ti innak dengdenggen, inpagarupko nga umis-isem ti nabessag a rupa daydi bangkay... ¡O, no sibibiag kuma dagidi nagan-annak kaniak ket in da ka mingmingan! Idi ta kasta, iniggamak ta imam, ket kasta met ti ima daydi ina, insapatak nga ayatenka, insapatak a pagnam-avenka uray ania ti gasat a ipaay kaniak ti Langit, ket piman ta, kaano man, diak nagbabaywan daydi a sapata, ita pataruck. ¿Mabalin aya nga inka lipaten? Ta lagip mo kanayon a kinuykuyugnak, iso ti nangispal kaniak kadagiti pegpeggad ti dalan, iso ti nangliwliwa kaniak iti kinawayas toy kararuak idi addaak kadagiti sabsabali a dagdaga; ta lagip mo iso ti namukaw iti anag ti kunada a loto sadi Europa, iso a mamunas iti lagip dagiti ado a kakailian tayo kadagiti in-inanama ken kinadaksanggasat ti nakayanakan a Daga! Kadagiti dardarepdep ko, inka idi makitkita a sitatakder iti igid ti taaw ti Manila, a kumitkita iti adayo a tangatang, binungon ti apagapaman a raniag ti masapa a bannawag; innak idi maal-allingag ti maysa a naliday ken naisnekan a daniw, a mangriing kaniak kadagiti nailibay a rikrikna, ken mangipalagip itoy pusok kadagidi immuna a tawlawen ti kinaubing ko, dagidi ragragsak ta, dagidi ay-ayam, ta, amin daydi nagasat a napalabas a inka biagen no addaka idi sadi ilik. Ipagarupko idi a sika ti ada, ti kararua, ti ingget sudi a nakailasagan ti Daga a nakayanakak, naimnas, nadarisay, naayat,
