dagiti nalatak a tattao, isuna la nga inda tuladen dagiti awan patpategna nga ar-aramidda, no saan pay ket di a dagiti pagkurkuranganda, ta saan tay a kabaelan ti sabali a banag. Ado kadagidi mangdaydayaw kenkuana ti awan sabali a kitaenda iti daydi
bumaro no saan a ti pannakasiglot ti korbatana, dagiti dadduma,
no kasano ti tengnged ti badona, ket saan a bassit dagiti nangbilbilang no mano dagiti butbutunis ti amerikanana ken ti salekona.
Dagidi nakaap-aprang a parparikna ni lakay Tasio kas da man nagpukaw a inggana iti inggana. Kasta ti inbaga ni Ibarra iti naminsan nga aldaw, ngem daydi lakay a nalidem iti panagkikitana, inna insungbat:
—Laglagipenyo ti sao ni Baltasar:
- "No ti isuñgadda no inka dumteng,
- Naragsak a rupa ken nasam-it a isem,
- Adadda nga annadam, ta kabusor a nalmeng....
Ni Baltasar nalaing a dumaniw ket nalaing met a pumanunot.
Dagitoy ken sabsabali pay isuda dagiti maar-aramid iti aldaw
a kasangwanan ti piesta, idi saan pay a limnek ti init.
