jento a nakaigam ket dagiti baybayoneta da adda a sikakabil iti
murdong dagiti palpaltog da, ginupedna ti ragsak ket simken ni
buteng iti yan dagiti babbai.
kuti!
-Awan aggaraw!-inpukkaw ti sarjento!-Paltugan ti ag Numan pay naisawang daydi ninu-nuang a kinahambog, ni Ibarra timmakder ket inasitganna.
-Ania ti kayatyo?---sinaludsudna.
-Kayatko nga ita met laeng yawatyo ti maysa a dakes a tao nga agnagan iti Elías, a nangyurit kadakayo itay bigat, -insungbatna a si-aámes.
-Maysa a dakes a tao? . . . ¿Ti mangyurit? ¡Maallilawkaysa!-insungbat ni Ibarra.
-Saan, apo; dayta Elías ita naidarom manen a kimmabil iti maysa a padi . .
-A! Ket iso daytay mangyurit?
-Iso met lacng, kas kunada kadakami; dakayo, apo Ibarra, awatenyo nga umay makiramrambak kadakayo dagiti tattao a dakes ti damagda.
Ni Ibarra kinitana manipod saka inggana ulo ket sinungbatanna a silalais unay:
Awan pambarak a mangibagbaga kadakayo dagiti araramidko! Kadagiti ramrambakmi, amin a tattao maawat a nasayaat, ket uray kuma pay dakayo, no immaykayo, adda kuma met tugaw a naited kadakayo iti pañganan, a kas ti alperes yo nga itay laeng maikadua nga uras adda ditoy a kaduami.
Ket idi nasauna tuyen, inna linikudan.
Ti sarjento inammilanna ti imingna ket gapo ta pinanunutna a nakapkapoy ti biangna, inbilinna a sapulenda iti amin a di mangan-ano ken iti nagbabaetan dagiti kaykayo daydi mangyurit a ti pakailasinanna naisurat iti sangkapirgis a papel. Ni don Filipo kinunana kenkuana:
-Kitaenyo dagita a pagilaslasinan ket maitutupda kadagiti siam nga apagkasangapulo dagiti taga ditoy; ania ta agrirukayo!
Idi kuan, nagsubli dagiti sosoldado ket kinunada nga awan nakitada a bangka wenno tao a naka-áatap; ti sarjento nagtanamitim iti sumagmamano a sao ket timmalaw a kas met la ti idadatengna a sinisibil.
