-¿Dikay ammo a basol ti mamatpati kadagitoy a bamba- nag?-kinunana, ket pinigispigisna a sipupungtot dagiti binbinulong ti pagbasaan. Ikkis da siddaaw ken rurod ti nagruar kadagiti amin a bib-bibig.
-¡Dakdakkel pay a basol ti mangituray iti saanna a kukua, no awan palubos ti akinkukua!-insungbat ni Albino a timmak- der. —Padre kura, dayta nga aramid managanan panagtakaw, ket ti Dios ken dagiti tattao inda iparit.
Ni María Clara pinagakubna dagiti im-imana ket kinitana, a matana ti makasangsangit, dagiti pirpirgis daydi pagbasaan a iti la nabiit inda pinagasat unay.
Ni Fray Salvi, nupay sabali ti ur-urayen idi dagiti si-sasaklang, saanna a sinungbatan ni Albino: nagmayeng a nangsipsipot iti pannakaipalais dagiti napigpigis a binbinulong, nga adda naipan iti bakir, adda nagtungpal iti danom; idi kuan, immadayo a nai- basingbasing a sikakapet dagiti dua nga im-imana iti ulo na kisarita iti nabiit ken Ibarra, iso a nangitulnog kenkuana iti maysa kadagiti luglugan a sisasagana nga agitulod kadagiti naawis a napan nakirambak.
-¡Naimbag ta pumanaw ni dayta a bugaw ni ragsak! -inda- yamudom ni Sináng. -Ti rupana kasna la kuna: " Dika agkatawa ta ammok dagiti basbasolmo!"
Kalpasan ti panangted ni Ibarra iti inpaayna iti as-asawa-en na, napalalo unay a rag-o na, a dina pay panunutenen ti panna- ki-ay-ayamna ket di pay agsardengen a mangkita a si-aannad iti panagyan dagiti pagay-ayamanda.
Iso ti gapona a numan pay napalalo ti rigat ni Kapitan Basilio a nagsarsarapa, nagtablada, yaman pay kadagiti adu unay a nagrir- riruan daydi bumaro iti kalpasanna.
-¡Ditay patpatuluyenen! ¡ditay patpatuluyenen!-kunkuna ni Kapitan Basilio a siraragsak.
-¡Ditay patpatuluyenen!-inulit daydi bumaro,-uray ania ti nabalin a inkeddeng dagiti uk-ukom.
Naginnawatda a dua iti ima ket nagpinnetpetda a si-aayat.
Idi ta ragragsaken dagiti si-sasaklang ti naaramid a mamagsar- dengen iti maysa a ringgor a nañguman kadagiti dua a bangbangir, ti di napakpakadaan a isasangpet ti uppat a sibil ken maysa a sar-
