Dagiti babbaro ken babbalasang nagsisipatda. Ni Maria Clara inna inanggo: ti arpa iso ti adadda a pagtuktukaran da sadiay a probinsia ket iso ti mainumo kadagidi a kanito.
—!Kansiunem, Victoria, ti “Daniw ti Agasawa”! —dinawat dagiti inna.
Dagiti lallaki nagririda, ket ni Victoria, a timekna ti nasayaat, nagpambar nga adda parawna. Ti “Daniw ti Agasawa”, maysa a nasam-it a daniw ti tagalog a pakaibuksilan anim dagiti tutuok ken ladladingit ti agasawa, nga awan ket inna ibaga kadagiti ragragsakna.
—Naladingit anim a kansionko.
—!Awan ania man, awan ania man! —kinunada amin.Saan a pinauy-uyutan, innalana ti arpa, nagpasakalie ket nagdaniw a timekna ti natbag, naimas ken napnuan iti liday.
na amin a raniagan ti init, pagayam,
!Biag ti pul-oy nga aglasat kadagiti kataltalunan,
Naimas ni patay ket ni Ayat, natartarnaw!No inka makariing iti saklot ni ina a namasngay,
Dagiti taktakiag sapulenda ti tengnged a pagbitinan
Ket dagiti matmata umisemda, no inda mingmingan.Iti sidongna, amin a raniagan ti init, pagayam:
! Patay ti pul-oy piman kadagiti awanan
Ina, ay-ayaten ken daga a nakayanakan!Nagpukaw ti timek, nagsardeng ti daniw, nagulimek ti arpa, ngem si-aallingagda pay laeng: awan nagsipat. Dagiti babbalasang nariknada a nalapunos dagiti matmatada iti lua. Ni Ibarra kas la di makaidna ket daydi bumaro a mangyurit kumitkita a
di ket nagkismay iti adayo.
