Denggendak iti apagbiit ket inkayto mapnek ermana! —insungbat ni baket Sipa, nga awan pay as-asin iti panagsaona.
—Ala man, ala man! !denggentayo! —kinuna dagiti dadduma. Kalpasan ti nadeggang a panaguyek, daydi baket rinugyanna ti nagsao iti kastoy:
—Dakayo ammuyo a nalaing a no lualuen ti Benditasea-tu puresa, ken ti Senior-mio-Jesul{risto-Padre-Dulcisimo-por-el-goso, adda magun-od a sangapulo a tawen a induljencia iti tunggal maysa a letra...
—jDua pulo! —Saan, jbasbassit! —[Lima! —kinuna dagiti ado a timtimek. —Masurukan wenno makurangan man iti maysa, awan ania man! Ita; no adda ubingko, lalaki man wenno babai, a makabuong iti maysa a pinggan, baso wenno malukong, kdmpy., papidutko amin a tippingna, ket iti tunggal maysa a tipping, uray ti /■.ababassitan, innak palualo ti Bendita-sea-tu-puresa en ti Senior mio-Jesul{risto-Padre-Dulcisimo-porel-goso, et dagiti induljencia a magun-udko ipaayko kadagiti karkararua. Idiay balay, ammuda amin a lualuen ida, dagiti la puspusan ti saan.
—Ngem dagita nga induljencia, dagitay ubbingyo ti makagun-od ket saan a dakayo, ermana Sipa, —kinuna ni Rufa.
—¿Ket dagitay malmalukongkon, ket dagitay pingpinggankon, asinno ti agbayad? Dagiti ubbing ko maragsakanda nga iso dayta ti pagbayadda, ket uray siak met; saan ko ida a kabkabilen, isuna la ti sagpaminsan a sintok wenno kuddot . . .
—¡Tuladekto! jKastanto met ti aramidek! kinuna dagiti babbai.
—Wen a ngem no nagkaddua wenno nagkatlo laeng ti nakabuungan ti pinggan ngay? Ibassit ti maalayo! —kinuna pay la ni natangken ti ulona a Rufa.
—¡Ni! —insungbat ni baket Sipa: paglualuek met ida; pagalaak ti nabuong ket awan mapukawmi.
Ni ermana Rufa awan naisungbatnan.
—Ipalubusyo man a yumanko ti maysa a duaduak, —kinuna a si-aalumiim ni pangub-ubingen pay a Juana. —Dakayo, appo, maawatanyo a nalaing dagitoy banbanag a maipapan iti Langit, Purgatorio ken Impierno... ipudnok nga awan ammok kadagita. —¡Agsaukayo!
