Do it resta : serchar ti minimal percentage de idealistes queles have suficent entusiasm por sacrificar grand personal eforties sin alcun profit a un cose quel ili ha reconosset quam util por li civilisat homanité. On va trovar tal pioneros in prim inter li adherentes de ideal tendenties ; p. ex. : abstinentie de alcohol e tabac, vegetarism, etc. Adplu on posse mentionar ci li quasi-idealistes : colectores de postmarcas, amatores de shac, stenografie, radio per curt undes, sport, etc. Anuncias in li revues de ti tendenties ne va esser car ; on vell posser far un experiment e expectar li efecte ; si bon, continuar, si mal, cessar. Articules ne es acceptet de mani redactiones, proque on time li protestationes del Espistes. E per litt anuncias on demonstra inmediatmen li « punctu saltant » (punctum saliens) de Occidental justmen a ti homes queles es sat inteligent por comprender it ; e justmen tis va esser inclinat ocupar se ye li cose. Vi du specimenes :
| Fine del concurrentie inter divers
systemas de international lingue: li definitiv form es trovat, Tre facil a aprender. Special informationes gratuit per Institute Occidental, Chapelle (Vaud). |
Occidental, definitiv forme del
international lingue, es comprendet in li tot munde. Tre facil a aprender. Special informationes contra respons-cupon per Institute Occidental, Chapelle (Vaud) Svissia. |
Clichés de tal litt textus vell diminuer li precie de insertion. Al demandantes on mey misser ne solmen printates ma un personal lettre por mantener lor interesse. In contrast al metodes del Espistes, queles evita presentar un textu in Espo, noi deve demonstrar sempre textus in Occidental. Dames havent bell gambes porta curt vestimentes.
It es astonabil que Occidental ne ancor ha penetrat (talk • contribs) in quelc landes con apart favorant preconditiones ; p. ex. Turkia e Egyptia. In ambi landes es un imens linguistic confusion ; tà concurre : anglès, francès, italian, grec, turc, arab e altri lingues ; adplu (talk • contribs) ambi landes es tre fervent (talk • contribs) apropriar se li cultura del occidente. Si on considera que li metric systema de mesura ne ancor es introductet just in li landes de max progresset tecnica. Anglia e USA, it ne apare inprobabil que li practic introduction del mundlingue va departer ne del Occidente, quel ne es capabil superar su linguistic desunion, ma de tal landes situat inter Occidente e Oriente..... Turkia ja ha introductet li latin lítteres ; do un litt anuncia vell esser comprendet !
Dr. Peipers.
Li guerre in li historie. — Li statisticos ha contat li cifres respectiv del annus de pace e de guerre « desde que existe homes pensant ».
Vi li resultate de lor serchas : Desde li annu 1496 a. C. til 1861 esset 227 annus de pace contra 3130 annus de guerre.
Ti statistica es poc honorant por li homanité.
70
