Page:Corrido qñg bie rang queralanan di Oliveros ilang Artos.pdf/44

(41)

 Panaun at aldo nung miras na't datang
ing mayap á palad acua pa't arasan
iya ing mag-Ari qñg Ungriang cayarian
ning Aring Don Diego maliaring manuyang.
 Itiqui ne queni't é ne isundu cu
bie nang queralanan Principe Teñoso
ing querarasa'na qñg ban abalu yu
sáli co careta qng queang Corrido.
 Anti ning qñg iti pu'ne't penibatan
ning Joan Teñoso matua nang ibatan
qng ba'yang misundu at é va magculang
catuglung ne iti ning cang Teñosong bie.
 Yang ipagsulit ing querarasan da
ning budñing Principe tubu qñg Castilla
qng pangatucnang na qñg reino Irlanda
ampon ing Princesa mibudñing Armenia.
 Iniang mate na ya ing Aring Felipe
á queang ratuangan mesabing Principe
suguing Oliveros yang minalili
guinu nat gagalang ning Irlandang Corte.
 Inia ping Ari ne Principeng mibantug
mesabing cayarian ya na ing sasacup
caluguran de nġan qñg santing nang mutus
lalu ding Consejos pati na basallos.
 Ding aduang cambang na ligud ning .banua
alang casulitan agad meragu'la
ya ing depat na ning Aring ibpa ra
ing pamana na lang cetro at corona.

6