Page:Corrido qñg bie rang queralanan di Oliveros ilang Artos.pdf/43

(40)

 Caibat na ning bilin melaus ne queta
menic qñg Palacio mequiquit qng Reina
ing tula na sacdal alang casimpara
at pemanuma ne ing anac nang sinta.
 At saca na quitang qñg asaua nang liag
nung nanung laguiu na ning carelang anac
pequibat na Juan ning Reinang maslag
at ing Teñoso palayo ra ding lat.
 Qng sablang iti nan ing sayá sabian
ampon ing tula na ning budñing Monarca
at macabang aldo depat da ing fiesta
layun penulsulan cañon qñg muralla.
 Ing tulang iti nan panaun linábas
ing queang selusuan angin ing catulad
mabilis miliari anti mong paninap
pungul á mesa bi miras ya qng edad.
 Labis ya qñg santing at alang cauangis.
at nanan ya itang qñg pinsel guinulis
aguiang cang Narciso ampon cang Adonis
ali ya alangan carela iparis.
 Ing pamacamal na é mn jamacjamac
ning Aring Don Artos ang bugtung nang anac
picandungcandung ne ibat pa qng ibat
at ipatuclu pa caring queang palad.
 Taguring parati gagcas nang amanu
qng anac nang bugtung á y Juan Teñoso
ing cabalduga'na nung panuliran mu
Ari re ding leon tigres ampon oso.