- ( 44 )
Agad lang migburul deting miasaua
biclat de ng pasbul at licuan talaga
inia ping milub la ing Sult't Sultana
pareju lang misdan canitang iquit da.
Deti ing queraclan ngana mo ning Sultan
qng cacung pamalac ing mete lang miagnan
galang minuna ya ing Dama mung irang
saca ya tinuqui iting Abu-Hasan.
Binte ning Sultana é macanian ngana
iting Abu-Hasan yang mete minuna
qñg sucal ning lub na niang mal cung Dama
mete ya mu naman at tinuqui quea.
Marayung marapat yang quecang bingcal
at é pin maliari pequibat ning Sultan
ing minunang mete y Nuzhat mung irang
at tinuqui nia mu yang Abu-Hasan.
Ing budñing Sultana mimua ne ping tiquis
pablasang ing Sultan é bisang paraig
nganang menĝamanu é mu na pipilit
aguia mang baluctut ing quecang matulid.
Ica, at ica pin pequibat ning Sultan
quecang ipipilit ing é catuliran
at nun é mu sana ing queca pacamal
queang catauan mu ati'na cang dimdam.
Detang maquiramdam aduang miasaua
qng mua ning Sultan binang tinacut la
bigla lang tiniedo qñg pangaburul da
at saca la miagnan migsulit carela.
