- ( 43 )
Inia ping aquit ne nita ning Sisiua
inagad neng quitang sinta nang asaua
tayu macaburul binte na ning Dama
bucas panga-abac ing pangacutcut na.
Dimdam ning Sisiua meconeng alimit
at ibalita na qng Sultanang lauit
iniang marap na ya ngana ping migsulit
y Nuzhat mabie ya canacu yang iquit.
Ing guingcas nang Mesrur yan calaraman
ing budñing Sultana quecang mumulangan
Sisiua mimua ya tinutul yang biglan
ica ing mamulang lupang buldit curan.
Aguiang matuling cu é na cuman bruja
á antimo icang binang malabit pa
qng guingcas nang iti biglang licsua'na ya
tambing neng guinamus qñg lele nang mata.
Qng bigung megamus dimdam na ing saquit
canitang Sisiua munlas ya sang pilit
iti nan ping Sultan ngana mong migsulit
ali co misascal ampon mipamuangit.
At saca na guingcas qng Sultanang mal
qng ba'tang abalu ing camatutuanan.
detang miasaua quecata lang ayan
Ua ing binte na ning Sultana naman.
Bale rang tucnanğan migsundu lang agad
deta ning mitatua á miasauang liag
macarayu la pa iquit do't amalas
deting aduang pusung at mapamirayat.
