- ( 40 )
Ngana ning Sultana inanu ing pising mo
miuman meng pacasal ing quécang catuto?
¿é mete y Abu é uari mebalo
ita ning y Nuzhat mayap á Dama co?
Meili ya ing Sultan qñg queang selita
migcamali cao asaua cung mutia
ing Dama mung Nuzhat yang mete bigla
at ali y Abu qñg quecang acala.
Binte ning Sultana anting micalatang
y Abu yang mete é mu cu tutucsuan
aliua ya ngana pequibat ning Sultan
ing Damang y Nuzhat yang bangque ngeninan.
Mababalatung ca ngana ning Sultana
ibat ya pa queti y Nuzhat cung Dama
libu lapang onza ding binie cu quea
á maguing ambag cu canitang saput na.
Icang mebalatung pequibat ning Sultan
pablasang y Abu cacu yang dininan
libu la ping onza pauang tingap no ngan
nandin pa mung ditac é pa melambat man.
Nandin mu rin naman binte ning Sultana
cacu yang quesabi y Nuzhat cung Dama
icang migcamali matas á Monarca
at baquet uari sa mulanğan mu cu pa.
Ali cacung irug pequibat ning Sultan
é naca tututul tiu quecang camalian
alicu ngana pin ning Sultana naman
tune cang balatung asaua cung mal.
