- ( 39 )
Sabi ilipat cu qng matas á Sultan
quea ngan liniban ing nasa nang daptan
pablasang qng iya maragul ya lumbe
uli na ping Abu biglang pangamate.
Agad nang minarap quetang asaua na
ba‘nang ibalita miliaring talaga
inia malumbe ya ita ning lupa na
at tinulung pilit lua na qñg mata.
Ngana ing pusu cu ing queang quiquiac
ing biglang miliari queang quepajamac
acu man ngana mo qñg Sultanang pising
quetang bigung mete maragul ing sindac.
Bina ya ping mayap qñg pamaquiabe na
ing suyu na cacu ampon aliua pa
iti pin ing sangcan sinta cung asaua
á itatangis da ding adua cung mata.
Binte na ning Sultan cacu anti naman
itang bigung mete sayang ya at sayang
nung ing queang bie maliaring saliuan
aguiang magcanupa canacung bayaran.
Acu man ugana mo ning budñing Sultana
aguiang ding pilac cu pauang maguisan la
nú cu panintunan ampon atuclas pa
ing lub á masampat cacu pepaquit na.
Qng miliaring iti pequibat ning Sultan
nanu mang daptan ta é ne mie miuman
ba‘yang é malungcut ing catutung irang
caibat ning paldas na pasibayung cásal.
