- ( 35 )
Lasa aldo aldo deting miasaua
ita ning canauan yang agauiyan da
ala lang patugut qng pamanugse ra
qñg pamangugul da caretang cualta ra.
Aguia mang bátis la ding carelang pilac
qng bague itinan pilit yang milimas
qng pamisaup da ding miasauang liag
qng laut ning tula meguisan lang agad.
Iniang, deting adua ing aldo dinatang
meguisan la dote é ra camalayan
saca mibalut la qñg dacal á utang
at ala na lang sucat mang piacuanan.
Migdala lang dine deting miasaua
nung aganaca ra ing pangabili ra
nung migtipid no man é ra apibata
uling megaui la qñg pamagtamasa.
Qñg bili rang itang casaquitsaquitan
maragu‘la dine maniabi qng Sultan
pota asabi nang lubus dong sinayang
ding doteng tingap dang maguing cayatinan.
Bigung Abu Hasan yang isipa'na
mayap á paralan qñg pangaligtas da
pisasaupan da na deting miasaua
dapot binalac dang alang carasa'na.
Mapilan mung aldo queang aisipan
niting macasaguid á y Abu-Hasan
ing pilaita'na ya ing matas á Sultan
qng ba'lang miligtas quetang casaquitan.
