- ( 34 )
At magmula ngeni é co caculangan
caretang salapi nanumang pigastan
qug Tesorero cu quea yu no cuanan
mesabing salapi aguiang magcanu man.
Ing Sultanang mal laguiu na Zobeida.
yang pepayaus na ning budñing Monarca
at itang y Abu paquilala na ya
pablasang mluat nang buri yang aquit na.
Y Zobeida naman cang Abu linugud
uling ing anu na mababa ya lub
lalu na inia ping quea nang atalus
qng Damang y Nuzhat malsinta yang lubus.
Inia queting Abu agad nang sinabi
macamal nang Dama ing dina'neng dote
libu la ping onza ding quea na ibie
bucud qñg imalan dacal á brillante.
Iti nan mong Sultan nganang tinambayan
ica Abu-Hasan dinan da ca naman
libu la ring onza ding quecang tangapan
caibat yung quinasal niyang Damang mal.
Deta ning ninabang qñg mayap á palad
á y Abu Hasan at Damang y Nuzhat
qng Sulta't Sultana ngara mo salamat
quetang pepaquit dang maragul á linĝap.
Queti ra no quesal pangacabucasan
sabian pa ing saya qng Palacio real
maragul ing adia pablasang ing Sultan
yang memajala qng sabla-sabla ngan.
