- ( 22 )
Sablang mecaramdam meili la ping lat
binang macara'yu itang queang guingcas
ngara mamulang ya amanu nang matas
ning bigung y Abung quinulang á palad.
Dapot nung qñg bague binte nang indu na
qug sablang miliari migmulala cu pa
libu la ping onza ding cacu binie na
á guintung dalise ning Sultan Monarca.
Peparusa'na la napun mu rin naman
ding apat á lilung queang cáluguran
at iquit yu noman queti ro dinalan
pablasang utus na ning matas á Sultan.
Iniang damdama'na nitang guinapus da
sablang atiu carin lacuas pang mimua ya
maniuala cayu canitang mipasia
y Harun-Alraschid acung tune ngana.
Canitang miagcas queilian da ne naman
ing inuculan dang bitasang mamulang
ing pacacalulu lacuas deng milangan
marayung marayu maliari cang Sultan.
Maragul ya mua canitang mipasiag
ing bigung y Abu tiniedo yang agad
pamagcapilit na gapus na mapatad
miparagsa ya pin migbalabaligtad.
Qng dagul ning inge qñg tula rang dacal
deta ning justicia agad dong penican
iniang aquit da na itang casangcanan
bigla ra neng dela ing bigung mamulang.
