- ( 20 )
Canacu yang yáusan ing binte nang Abu
ing lalung malagu caretang Dama cu
ing calulung matua ucul na megulu
quetang pequibat nang alang pun at sepu.
Baquet qñg sabi mu pisiag nang indu na
á ica atin cang malinang á Dama
Sultan ca mo uari at tune Monarca
queang daraptan mu pagmulalan da ca.
Bigung macaguising maninap yang tune
megulu ya ucul at anting mejibang
paquibat á ita biglang micalatang
é ne aquilala indu nang ibatan.
Matua mabating ca at lisia ca ngana
qng cacung arapan mapanucsung Bruja
baquet menganĝas ca qñg quecang Monarca
quea'ning insac mu é na tinacut ca.
Qng pisiag nang iting calapastanganan
itang bigung indu ing lua na mical
inucula'na na ing anac nang irang.
mesira ya buntue balana yang Sultan.
Inia malume ya at linapit agad
at págumasda'na ya ing bugtung nang anac
lalu ya pang mimua queting queang depat
niting macaguising á lubus máninap.
Gugulisac ya pin cucullo masican
itang é malagnat á anting mejibang
nu co carin ngana ó pili cung caual
at ining marauac baquet é ye dacpan.
