(25)
Detang angang pili cabantugan Turquia sablasablang Sultan misaupsaup la at niagnan agnan lang telan deng espada dapot é mebagut quetang caluba'na.
Pissabi rang sabla ampon picayarian mitatag lang guerra carelang paintunao laguiung Pantinopleng tiu qng caluban at ing Emperador yang mag-general.
Guisan dang siniasat ing ilang at bunduc ali la tutucnang qñg pamanalugsug itucnang pa queti yang ipanasbue budning Pantinople queang pamanlibut.
Ibat qng miras ya quetang isla Blanca panucnang na carin macabang aldo na baquet qng pamangan bitasang ala na bastimentong bacal paua ngang mimi'na.
Telaga na ata ning Guinung miglalang ating boting sira á lulutanglutang aguiang marayu ya agad neng singaban ya ing sequia'na licua'nang capuluan.
Ing mesabing boti bitasang ala ya timon man ó bacse sucat á gamit na sinasal ing angin iniang milaut ya degula'ning alun bunduc ing cabas na.
Saquen á mainsac nanu ya carasan degula'ning alun angin á masican ali ne asadsad é na balung daptan ya ing miliari limbug niang macanian.
- 4
