(24)
Anting cayaduanan nung uar't maliari quecong maquiramdam queining Pantinople pacaluluan yu ya canono nang tune macainum cu sa gatas na ning tigre.
Itang pamacamal iniang mayari ali cu merine yauad cu carela ti'natang pauaun ibalaus cu na balitang jimala metung d gaceta.
Ating mepaliari qñg Turquiang reino malang pepaquit na ning Dios qng tau pigmulalan da pin ding dacal á turco pati na ding Sultan paua lang megulu.
Misan á caugtuan tilu qñg lamesa Iting Emperador mibudñing Monarca casulu ne iti anac nang Princesa quebaldugan la ping metung á espada.
Budñing Emperador anting metilijan espadang mebaldug nu ya menibatan itang macasulat canitang caluban nganing salese na nung queca yang basan.
Anti queni uari qñg pangasulat na at nung panuliran laman da ding letra ngana Pantinople panenayan da ca queni qñg imperio nining gran Turquia.
Aguiang marauac man itang queang lub espada tela'ne at layun pang dimput qñg pamagcasaquit na ali ne abagut lalu pang mesucal itang queang lub.
