This page has been proofread.
17
ᎠᏂᏣᎳᎩ ᏧᎾᎴᏅᏙᏗ ᏧᎾᏕᎶᏆᏍᏗ.
ᎩᎵ.
ᎩᎵ ᎤᏣᏘ ᎣᏏ ᎪᎱᏍᏗ ᏗᎬᏙᏗ. ᎥᏞᏍᏗ ᎠᏗᎾ ᎤᏂᏣᏘᏉ ᎩᎵ ᏗᏣᏓᏘᏅᏅ, ᏰᎵᏰᏃ ᎾᏍᏉ ᎠᏂᎪᎳᏗᏍᎩ ᎢᎩ ᎠᎾᎵᏍᏓᏴᎲᏍᎬᎢ, ᏧᎾᎴᎨᏛᏍᎩᏂᎨᎵᏃᏅ ᏱᏗᏣᎵᏚᏫᏍᏗ. ᎥᏝ ᎣᏏ ᏯᎩᏰᎸ ᎠᎪᏄ ᏧᏂᏲᏏᏍᏛ ᎩᎵ ᏗᏥᎪᏩᏛᏗᏱ. ᏂᎦᎥ ᎦᎾᏝᎾᎢ ᏣᎧᎲᎢ, ᎣᏍᏛ ᎮᎶᎮᏍᏗ.
ᏧᎳ.
ᎦᏙ ᎬᏙᏗ ᏧᎳ? ᎤᏂᏆᏢᎢ ᎤᏩᏒ ᎪᎱᏍᏗ ᎬᏙᏗ—ᎠᏎᏃ ᎾᏍᎩ ᎠᏎᏉᏉ ᏱᏛᏟᎶᏍᏗᎭ ᎤᏲ ᎠᏓᏩᏛᎡᎯ ᎨᏒᎢ. ᎤᏂᏃᏕᎾ ᎠᏂᎩᎾ ᏕᎦᏂᏱᏍᎪᎢ, ᎠᎴ ᎠᎧᎾᏗᏳ ᎤᏣᏘ ᏣᏔᎦ ᏧᎯᏍᏗᏱ, ᎠᎴ ᏧᏒᎲᏍᏗ ᎢᏳ ᎩᎵ ᎾᏁᎲᎾ ᏱᎩ. ᏩᏯ ᎤᏂᏠᏱ. ᎯᎸᎯᏳ ᏚᏂᎸᏃᏘᏍᎪᎢ—ᎤᏍᎦᏎᏗᏳ ᏳᏓᏍᎦᎶᏨ ᎤᎸᏃᏘᏍᎩ.
