This page has been proofread.
- VISIONS ............................ 85
- D' les raviser preinne eun' bonn' cuite
- D'abord les dimainch' et lindis
- Pindaint qu' chés fêmm' à leu porsuite
- Les trait'ront d' soulards et d' baindits.
- Et, quind à forche d' fair' ribotte
- Rich' comm' pauv' n'aront pus d' sainté,
- Qu'étaint saoûls y s' tueront l'einn' l'aute
- J' cominch'rai d'avoir de l' gaîté.
- Et, quind ch' fiu imit'ra sin père,
- Qu' chés fêmm' chés fill' in f'ront autaint,
- Qu'y n'ara qu' des gins ross' sur tierre
- Ch'est seul'mint là que j' s'rai contint.
- In attindaint, boupez ! sorcières,
- Gouch', loups warous, diap' mes mignons,
- Rich', pauv', par famill' intières
- Vos l's arez vitt' pour compagnons ».
- Et certain de s' vingeaince, habile,
- D' d'ù qu' ch'est qu'y v'not, pus gai qu'avaint,
- Ch' diap' s'in r'torna laichaint dins L' ville
- In cabaret rimpli d' brin-d'-vin.
- — — — —
