This page has not been proofread.
114 ........................... GINS D’ PARTOUT
- Et s’ mére escout, choulé’ pa ch’ monne
- N’ li moutrot qu’à d'mainder l’aumône.
- Tint qu’in jour, partie in n’ sait du,
- All lavot laiché seul, perdu,
- Aux prise’ aveu ch’ vice et l'invie
- N’ conichaint rien de rien d’ la vie.
- Et ch’ tiot, à m’sure, in graindissaint,
- S’avot figuré que ch’ passaint
- Qu’y rincontrot devot habile
- L’aidier comm’ quéqu’in de s’ famille.
- Pis sins trop bourler à côté,
- N’ayaint rien quiér que s' liberté,
- Tout seul à rire ou braire à larmes,
- Point péreux à l' vu’ d’chés gindarmes,
- Couquaint l’été d’ssus chés monts d’ foin,
- L'hiver s’anichaint dins un coin,
- Dévalaint d'in qu’min sur eun’ route,
- Y n’ s’arrête qu’ pou mier eun’ croute
- Au l'ombe ou tout près d’ queuq’ ruissiaux
- A l' compagni’ d’ chés biaux osiaux.
- Et sins ami, sins quien, sins maîte,
- Sins fêmm’, trop pauv’ pour in connaîte,
- Y s’ laich’ décatir jour par jour
- Jusqu’à ch’monmint qu’ cha s’ra sin tour
- D’ querver d’uss qu’il est v’nu sur tierre,
- A ch’coin d’ bos, s’ berche et sin cim’tière.
- Ch. Lamy.
