This page has not been proofread.
- GINS D’ PARTOUT
- CH’ VACABOND
- ———
- Pour M. Martel.
- Par mainque d’ soin quasi bochu,
- Cagneux, berlou, tout mal fichu ;
- Viux comme ch’ timps mais cor d’attaque ;
- R'nippé d’eun’ sal’ méchaimtt' casaque
- Copée avaint Napoléon,
- Longue à mucher d’ sin patalon
- In tro qui n’étot point commote
- Pou d'vaint chés gins s’assir à s’ mote ;
- Nu-pieds dins des restaints d’ sorlets
- D’ pièch’ et d' morciaux rafistolés ;
- N’ayaint à mette d’ssus s’ caboche
- Quind y f'sot frod qu’ sin mouquo d’ poche,
- Eun’ loquett’ grainn’ comm’ ses deux mains
- Ramassée à même d’ chés qu'mins.
- Y s'in va q’ villache in villache
- Cacher, comme y conte d’ louvrache,
- Quite après qu’y peut in trouver
- D’ quéir malate ou s’in sauver.
- Gardez-vous d’ croire qu’ ch’est de s’ faute
- Et de l’ pinser pus los qu’in aute !
- Mais fiu d’ pauvresse il étot v’nu
- A ch’coin d’in bos tout cru, tout nu,