This page has been proofread.
98 ........................... VISIONS
- Mais ch' tableau n'a giné personne
- Car dins l' cité rimpli d'homm' saoûls,
- Pou leur in vot r'fuser du monne
- Dius ch's hôpitaux, chés masons d' fous.
- Bast ! dit ch' buveux, pour in malate
- Quoqu' ch'est qu' cha prouve ? allons, garchon,
- Incore in verre à l' régalate,
- Suivons chou qu' nos dit cheull' cainchon.
- Alors, in choeur, inteur deux verres,
- Chés viux, chés jônn', jusqu'à dins l' nuit,
- S' tenaint à peinn' des heur' intières,
- Caint't à peu près ch' couplet qui suit :
- Y faut boire et quint à l' folie,
- Tint pis pour qui s'in laich' bourrer,
- N'a qu'au fond de ch' verr' qu'in oblie
- L' peine d' vivre et l'innui d'ouvrer.
- Et ch' brav' cœur, — hureux qu'il in resse,
- Que l' débauche et l' boisson font fuir, —
- Véyaint tint d'humains dins l' détresse
- Se d' mainn' chou qu' li réserv' l'av'nir.
- Aussi ch' bon diap' mis à la mote,
- S' faisaint app'ler ch' comtt' Lucifer,
- Ayaint trouvé l' moïen commote
- In biau jour s'in vient pa ch' qu'min d' fer.
- Et, fier, inchainté de s'n ouvrache,
- Véyaint qu' tout marche à l' perdition,
- Pour ach'ver souffl' sur sin passache
- La misère et l' désolation.
