This page has been proofread.
- VISIONS ............................ 87
- Aussi véyaint chés sépultures
- Peinturluré' à fair' crier,
- Ch' monne ébloï par tint d' dorures
- Obli' qu'il est là pou prier.
- Ch'est qu' cheull' ville autt' fos habitée
- Pa d' bons, brav' gins sins prétintion
- Que d' vivr' douch'mint à l' bell' portée
- D' leu rintt' ou d' leu tiott' position,
- N'ayaint pont quièr de r'mu' ménache
- Ni d' débourser grainmint d' patars
- Pou fair' du neuf, cainger d'ouvrache
- Et s' moquaint surtout d'ête in r'tard,
- Pa l' volonté, l' poussé' d' queuq' z' hommes
- R'narés, actifs, volaint gaigner
- In un rien d' timps des grosses sommes,
- Ou que ch' progrès f'sot ingaigner ;
- Cheull' cité pleine d' masons basses
- Aveuc ses portes d' cav' déhors,
- Ses ru' tortuss', ses tiotés places
- Rimpli' d' bédoull' l' long d' chés débords,
- P'tit à p'tit s'est monté' d' fabriques
- D'usin', d' verr'ri', d' mines d' carbon,
- D'eun' forêt d' queminé' in briques
- Visip' à pus d'tros, quatt' lieu' d' long ;
- D' hôtels aveuc des portt' cochères
- Bordés d'in trottoir bitumé,
- D'puis in bas jusqu'à chés nochères
- Sculptés, dorés à n' n'êtt' pâmé ;
