[ ᭒᭑ 21B]
᭒᭑᭞
ᬦᬦ᭄ᬤᬾᬲᬂᬕᬸᬭᬸ᭞ᬢᬦ᭄ᬳᬦᬧ᭄ᬭᬵᬬᬰ᭄ᬘᬶᬢ᭄ᬢᬦ᭄ᬬᬫᬸᬯᬄ᭞ᬳᬶᬓᬂᬪᬸᬚᬗ᭄ᬕᬫᬗ᭄ᬓᬦ᭛ᬬᬢᬪᬕ᭄ᬦᬩ᭄ᬭᬢᬮᬶᬂᬲᬗ᭄ᬳ᭄ᬬᬂᬕᬫ᭛ᬤᭀᬱᬦ᭄ᬬᬯᬮᬢᬸᬗᭂᬦ᭄ᬤᬲᬂᬧ᭄ᬭᬪᬸ᭞ᬳᬧᬦᬕᬯᬾᬧᬭᬶᬓ᭄ᬱᬶᬃᬡ᭄ᬦᬵᬦᬶᬂᬭᬵᬢ᭄ᬲᬂᬯᬶᬓᬸᬫᬗ᭄ᬓᬦ᭛ᬢᬦᬸᬮᬳᬦᬶᬂᬧ
ᬡ᭄ᬥᬶᬢᬳᬶᬓᬵ᭛ᬫᬢᬗ᭄ᬬᬦᬶᬓᬲᬂᬕᬸᬭᬸᬫᬭᬄᬫᬭᬳᬦᬰᬶᬱ᭄ᬬᬦᬶᬭ᭞ᬫᬕᭂᬳᬓ᭄ᬦᬂᬰᬶᬮᬬᬸᬓ᭄ᬢᬶ᭞ᬫᬭᬧ᭄ᬯᬦᬶᬂᬲᬓᬮᬦᬶᬱ᭄ᬓᬮᬵᬫᬗ᭄ᬕᬸᬳᬓ᭄ᬦᬂᬳᬬᬸ᭞ᬫᬓᬤᭀᬦ᭄ᬓᬢᭂᬫ᭄ᬯᬦᬶᬂᬧᬤᬯᬶᬰᬾᬱ᭞ᬫᬓᬮᬭᬧᬦ᭄ᬧᬭᬫᬭᬳᬲ᭄ᬬᬦᬶᬂᬚ᭄ᬜᬵᬦ᭛
ᬦᬵᬳᬦᬸᬮᬳᬦ᭄ᬦᬶᬭᬲᬂᬯᬶᬓᬸ᭛ᬮᬵᬯᬦ᭄ᬢᬫᬸᬯᬄ᭟ᬳᬬ᭄ᬯᬢᬦᬸᬢ᭄ᬲᬳᬭᬶᬂᬲ᭄ᬦᬦᬯᬶᬥᬶᬓ᭄ᬭᬫ᭞ᬳᬧᬦ᭄ᬓᬸᬫ᭄ᬯᬮᬶᬂᬦᬶᬂᬳᬕᬫ᭟᭐᭟ᬳᬕ᭄ᬦᬾᬬᬫ᭄ᬩᬭᬸᬡᬫ᭄ᬲᬿᬯ᭞ᬩ᭄ᬭᬢ᭄ᬫ᭄ᬬᬵᬯᬬᬩ᭄ᬬᬫ᭄ᬳᬾᬯᬘ᭞ᬫᬵᬦᬲᬫ᭄ᬧᬵᬱᬶᬯᬦ᭄ᬲᬾᬯ᭞ᬱᬤ᭄ᬯᬶᬥ
ᬫ᭄ᬲ᭄ᬦᬦᬫᬸᬘ᭄ᬬᬢᬾ᭟᭐᭟ᬓ᭟ᬦᭂᬫᬶᬓᬂᬲᬶᬦᬗ᭄ᬕᬸᬄᬲ᭄ᬦᬦ᭞ᬗ᭟ᬮᬶᬂᬲᬧᬡ᭄ᬥᬶᬢ᭞ᬮ᭄ᬯᬶᬃᬦ᭄ᬬᬦᬶᬳᬦ᭄᭟ᬳᬕ᭄ᬦᬾᬬ᭞ᬩᬭᬸᬡ᭞ᬩ᭄ᬭᬳ᭄ᬫ᭄ᬬᬵ᭞ᬩᬵᬬᬩ᭄ᬬ᭞ᬫᬵᬦᬲ᭞ᬧᬵᬃᬣᬶᬯ᭛ᬦᬵᬳᬦ᭄ᬢᬮ᭄ᬯᬶᬃᬦ᭄ᬬᬦᭂᬫ᭄᭞ᬓᬬᬳ᭄ᬦᬓᭂᬦ᭟᭐᭟ᬳᬕ᭄ᬦᬾᬬ
[᭒᭒ 22A]
ᬫ᭄ᬪᬱ᭄ᬫᬦᬵᬫ᭄ᬲ᭄ᬦᬦᬫ᭄᭞ᬚᬮᬾᬕᬢ᭄ᬯᬵᬦ᭄ᬢᬸᬯᬭᬸᬡᬫ᭄᭞ᬩ᭄ᬭᬵᬳ᭄ᬫ᭄ᬬᬵᬯ᭄ᬯᬿᬫᬦ᭄ᬢ᭄ᬭᬳᬲ᭄ᬦᭂᬦᬫ᭄᭞ᬯᬬᬵᬩ᭄ᬬᬢᬸᬕᬯᬵᬫ᭄ᬧ᭄ᬭᬢᬶ᭟᭐᭟ᬓ᭟ᬳᬕ᭄ᬦᬾᬬ᭟ᬗ᭟ᬲ᭄ᬦᬓᬫᬓᬮᬓ᭄ᬱᬦᬂᬪᬲ᭄ᬫ᭛ᬓᬸᬦᬗᬶᬓᬂᬩᬭᬸᬡ᭞ᬫᬲᬶᬍᬫᬶᬯᬿᬮᬓ᭄ᬱᬡᬦ᭄ᬬ᭛ᬩ᭄ᬭᬵᬳ᭄ᬫ᭄ᬬ
ᬗ᭟ᬲ᭄ᬦᬵᬦᬫᬓᬮᬓ᭄ᬱᬦᬂᬫᬦ᭄ᬢ᭄ᬭ᭛ᬯᬵᬬᬯ᭄ᬬ᭞ᬗ᭟ᬲ᭄ᬦᬦᬫᬓᬮᬓ᭄ᬱᬡᬲᬸᬫᬶᬍᬫᬓᭂᬦ᭄ᬓᬭᬷᬭᬢᭂᬓᬾᬂᬳᬸᬢᬫᬗ᭄ᬕ᭞ᬫᬓᬤᬶᬫᬶᬢ᭄ᬢᬯᭂᬍᬓ᭄ᬦᬶᬂᬍᬩᬸ᭞ᬲᬗ᭄ᬓᬾᬲᬸᬓᬸᬦᬶᬂᬍᬫ᭄ᬩᬸ᭞ᬳᬗ᭄ᬕᬶᬦᭂᬋᬓᬶᬂᬍᬫᬄᬧᬯᬶᬢ᭄ᬭ᭛᭐᭟ᬚᬧ᭄ᬬᬦ᭄ᬢᬸ
ᬫᬵᬦᬲᬄᬲ᭄ᬦᬦᬫ᭄᭞ᬢ᭄ᬭᬶᬲᬦ᭄ᬤ᭄ᬬᭀᬧᬲ᭄ᬦᬵᬦᬫ᭄ᬪᬯᬾᬢ᭄᭞ᬧᬸᬡ᭄ᬬᬢᬷᬃᬣᬫᬺᬯᬫ᭄ᬲ᭄ᬧᬃᬰ᭄ᬰᬫ᭄᭞ᬧᬵᬃᬣᬶᬯᬲ᭄ᬦᬵᬦᬫᬸᬘ᭄ᬬᬢᬾ᭟᭐᭟ᬓᬸᬦᬗᬶᬓᬂᬫᬵᬦᬲᬲ᭄ᬦᬦ᭞ᬫᬓᬮᬓ᭄ᬱᬦᬂᬚᬧᬫᬦ᭄ᬢ᭄ᬭ᭞ᬭᬶᬲᭂᬤᭂᬗᬶᬂᬫᬵᬲᬢ᭄ᬭᬶᬲᬦ᭄ᬤ᭄ᬬᭀᬧᬲ᭄ᬦᬦ᭛ᬓᬸᬦᬗᬶ
ᬓᬂᬧᬵᬃᬣᬶᬯᬲ᭄ᬦᬦ᭞ᬫᬓᬦᬶᬫᬶᬢ᭄ᬢᬓᬳᬭᬲᬦᬶᬂᬍᬫᬄᬦᬶᬂᬧᬸᬡ᭄ᬬᬢᬶᬃᬣ᭛ᬦᬵᬳᬦ᭄ᬢᬮ᭄ᬯᬶᬃᬦᬶᬂᬱᬤ᭄ᬲ᭄ᬦᬦ᭞ᬳᬸᬧᬮᬓ᭄ᬱᬡᬓᭂᬦᬲᬂᬯᬶᬓᬸ᭟᭐᭟ᬯᬶᬤ᭄ᬬᬵᬲ᭄ᬦᬢᬄᬧᬭᭀᬲ᭄ᬦᬢᬄ᭞ᬲ᭄ᬦᬵᬢᬰ᭄ᬘᬦᬶᬬᬫᬾᬯ᭄ᬭᬢᬿᬄ᭞ᬯᬾᬲ᭄ᬦᬢᭀᬧ᭄ᬭᬯᬃ
Page:Bali-lontar-wrati-sasana-300ppi.pdf/22
Jump to navigation
Jump to search
This page has been proofread.
