[ ᭒᭐ 20B]
᭒᭐᭞
ᬬᬫᬸᬭᬸᬕᬸᬮ᭞ᬫᬸᬯᬂᬳᬫᬸᬗ᭄ᬧᬗᬦ᭄ᬤᬺᬯ᭄ᬬᬦᬶᬭ᭞ᬬᬤ᭄ᬬᬧᬶᬦᬤᭀᬳᬲᬗ᭄ᬓᬾᬂᬲᬂᬕᬸᬭᬸ᭛lᬳᬦ᭄ᬧᬫᬸᬗ᭄ᬧᬗᬲ᭄ᬢ᭄ᬭᬷᬫᬸᬯᬂᬤᬺᬯ᭄ᬬᬲᬂᬕᬸᬭᬸ᭞ᬓᬤᬶᬓᬗᬶᬦᬵᬚᬭᬓᭂᬦᬶᬲᬫᬫᬗ᭄ᬓᬦ᭞ᬳᬶᬓᬢᬢᬦ᭄᭞ᬓᬤᬂᬯᬃᬕᬦᬶᬭ᭞ᬤᬵᬲᬶᬓᬸᬦᬂ᭞ᬬ
ᬦ᭄ᬳ᭄ᬳᬦᬵᬲᬶᬄᬲᬂᬕᬸᬭᬸᬭᬶᬂᬱᬶᬱ᭄ᬬᬦᬶᬭ᭞ᬯᬶᬦᬾᬳᬓᭂᬦᬶᬂᬰᬶᬱ᭄ᬬ᭛ᬫᬓᬦᬶᬫᬶᬢ᭄ᬢᬂᬕᬸᬃᬯᬳᬦᬸᬕ᭄ᬭᬳ᭞ᬲᬫᭀᬪᬬᬳᬶᬢᬫᬸᬯᬂᬰᬶᬱ᭄ᬬ᭛ᬯᭂᬦᬂᬳᬶᬓᬂᬰᬶᬱ᭄ᬬᬦ᭄ᬧᬦᬭᬶᬫᬭᬶᬂᬕᬸᬃᬯᬳᬦᬸᬕ᭄ᬭᬳ᭞ᬢᬦ᭄ᬲᭂᬗ᭄ᬕᬳᭂᬦ᭄ᬕᬸᬭᬸᬢᬮ᭄ᬧᬓᬬᬦ᭄ᬫᬗ᭄ᬓᬦᬓ᭄ᬭᬫ
ᬦ᭄ᬬ᭛ᬳᬦᬧ᭄ᬯᬾᬓᬂᬰᬶᬱ᭄ᬬ᭞ᬲᬮᬳᬸᬮᬄᬢᬦ᭄ᬲᬗ᭄ᬓᬾᬗᬫᬳᬵ᭞ᬫᬓᬦᬶᬫᬶᬢ᭄ᬢᬓᬧᬸᬗ᭄ᬕᬸᬳᬦ᭄ᬬ᭞ᬦ᭄ᬤᬢᬦ᭄ᬤᬳᬢᬕᭂᬂᬤᭀᬱᬦ᭄ᬬ᭞ᬗᬸᬦᬶᬬᬸᬦᬶᬓᬸᬭᬂᬧᬶᬢᭂᬓᭂᬢ᭄ᬲᬗ᭄ᬓᬾᬂᬕᬸᬭᬸ᭛ᬳᬾᬢᬸᬦ᭄ᬬᬦ᭄ᬲᬮᬳᬸᬮᬄᬦ᭄ᬬ᭞ᬦ᭄ᬤᬢᬦ᭄ᬧᬥᬓ᭄ᬦ
[ ᭒᭑ 21A]
ᬓᬧᬦ᭄ᬢᭂᬦᬦ᭄ᬬᬮᬵᬯᬦᬶᬓᬂᬰᬶᬱ᭄ᬬᬳᬢ᭄ᬬᬦ᭄ᬢᬪᬹᬭᬘᬵᬭ᭛ᬳᬶᬓᬂᬢᬂᬰᬶᬱ᭄ᬬᬫᬗ᭄ᬓᬦ᭞ᬳᬢ᭄ᬬᬦ᭄ᬢᬲ᭄ᬯᬶᬓᬵᬭᬭᬦᬶᬓᬵᬳ᭄ᬬᬸᬦᬗᬸᬯᬳᬦᬭᬶᬲᬮᬄᬦᬶᬂᬰᬶᬮᬦ᭄ᬬᬗᬹᬦᬶ᭞ᬢᬦ᭄ᬯᭂᬦᬂᬲᬂᬕᬸᬭᬸᬬᬦ᭄ᬢᬦ᭄ᬧᬗᬫ᭄ᬧᬸᬦᬦ᭛ᬦ᭄ᬤᬦ᭄ᬫᬗᬢᬸᬭᬦᬢᬸᬱ᭄ᬝ᭄ᬬᬵᬫ᭄ᬩᭂ
ᬓᬶᬲᬂᬕᬸᬭᬸ᭞ᬫᬗ᭄ᬕᭂᬮᬭᬕᬸᬭᬸᬧᬵᬤᬸᬓ᭞ᬲᬳᬲᬓ᭄ᬱᬶᬧᬹᬚᬵᬓ᭄ᬭᬫᬦᬶᬓᬂᬯᬶᬥᬶᬯᬶᬥᬵᬦ᭛ᬓᬸᬦᬂᬬᬦ᭄ᬢᬦ᭄ᬳᬸᬦᬶᬬᬾᬤᭀᬱᬦ᭄ᬬ᭞ᬗᬸᬦᬶᬬᬸᬦᬶᬬᬦᬵᬯᬫᬵᬦᬳᬾᬲᬂᬕᬸᬭᬸᬦ᭄ᬬ᭞ᬫᬸᬯᬂᬢᬦ᭄ᬧᬗᬶᬭᬶᬂᬲᬧᬶᬢᭂᬓᭂᬢᬶᬂᬕᬸᬭᬸ᭞ᬧᬸᬘ᭄ᬘᬵᬦᬶᬓᬬᬦ᭄ᬫᬗ᭄ᬓ
ᬦ᭛ᬧ᭄ᬭᬲᬶᬤ᭄ᬥᬧᬦ᭄ᬢᭂᬦ᭄᭞ᬗ᭞ᬬᬲᬶᬦᬗ᭄ᬕᬄᬕᬸᬭᬸᬢᬮ᭄ᬧᬓ᭞ᬗ᭟ᬲ᭄ᬯᬾᬬ᭞ᬗ᭟ᬫᬓᬵᬯᬓ᭄ᬫᬮᬶᬂ᭞ᬫᬦᬬᬩ᭄᭞ᬫᬗᬸᬦ᭄ᬢᬶᬮ᭄᭞ᬳᬗᭂᬦ᭄ᬢᬮ᭄᭞ᬳᬫᭂᬕᬡ᭄ᬤᬂ᭞ᬳᬦᬸᬫ᭄ᬧᬸᬂ᭞ᬳᬫᬸᬗ᭄ᬧᬂᬲ᭄ᬢ᭄ᬭᬷ᭞ᬮᬾᬦ᭄᭞ᬳᬫ᭄ᬩᬭᬡᬂ᭞ᬳᬮ᭄ᬯᬦ᭄᭞ᬬᬦ᭄ᬢᬾᬬ᭞
ᬗ᭟ᬓᬸᬦᬂᬭᬶᬂᬯᬤᬢᬢᬳᬶ᭞ᬗ᭞ᬦᭂᬫ᭄᭞ᬮ᭄ᬯᬶᬃᬦ᭄ᬬ᭟ᬦ᭄ᬤ᭄ᬬᬢᬦᬶᬳᬦ᭄᭟ᬳᬦᭂᬮᬸᬄ᭞ᬳᬗᬸᬧᬲ᭄᭞ᬳᬗᬫᬹᬓ᭄᭞ᬳᬫᬸᬭᬸᬕᬸᬮ᭄᭞ᬳᬦᬸᬦ᭄ᬯᬦᬶ᭞ᬳᬫᬶᬲᬸᬦᬓᭂᬦᬶᬲᬂᬧ᭄ᬭᬪᬸ᭞ᬬᬢᬢᬬᬶ᭞ᬗ᭟ᬳᬶᬓᬓᬩᬾᬄ᭞ᬳᬦ᭄ᬯᭂᬦᬂᬳᬫ᭄ᬧᬸᬭ
