[᭓᭔ 34B]
᭓᭔
ᬳᬶᬤᬾᬯ᭞ᬯᬦ᭄ᬢᬄᬧᬢᬸᬢ᭄ᬢᬦ᭄ᬚᭂᬭᬶᬄᬚᭂᬭᬶᬄᬗᭂᬢᭀᬳᬂᬓᬧᬢᬶᬳᬦ᭄᭞ᬳᬦ᭄ᬢᬸᬓ᭄ᬧᬢᬶᬳᬸᬭᬶᬧ᭄ᬢᬶᬢ᭄ᬬᬗᬾ᭠ᬯᬮᬸᬬᬘᭀᬓᭀᬃᬳᬶᬤᬾᬯᬲᬦᬾᬗᬫᭂᬮ᭄᭟ᬲᬫᬮᬶᬄᬢᬦ᭄ᬯᭂᬦᬂᬧᬶᬲᬦ᭄ᬢᬶᬢ᭄ᬬᬂᬢᭂᬫ᭄ᬧᬮ᭄ᬭᬶᬂᬧᬓᬬᬸᬦ᭄ᬘᭀᬓᭀᬃᬳᬶᬤᬾᬯ᭞
ᬦᬗ᭄ᬳᬶᬂᬓᬾᬫᭀᬮᬶᬄᬢᬦ᭄ᬫᭀᬮᬶᬄᬢᬶᬢ᭄ᬬᬗᬾᬫᬢᬡ᭄ᬥᬶᬂᬭᬶᬂᬭᬵᬓ᭄ᬱᬲᬢᬢᬶᬕᬧᬸᬦᬶᬓ᭞ᬤᬸᬭᬸᬂᬫᬓᬦ᭄ᬢᭂᬦ᭄᭟ᬬᬦ᭄ᬭᬶᬂᬲᬶᬤ᭄ᬥᬦᬾᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬮᬦᬘᭀᬓᭀᬃᬳᬶᬤᬾᬯᬚᬸᬫ᭄ᬦᭂᬂᬦᬵᬣᬭᬶᬂᬯᬦᭀᬓ᭄ᬮᬶᬂ᭟ᬦᬗ᭄ᬳᬶᬂᬬᬦ᭄ᬢᬦ᭄ᬯᬾᬦ᭄ᬢᭂᬦ᭄ᬜᬶᬤᬬᬂ᭞᭠
ᬫᬗ᭄ᬤᬵᬲᬫ᭄ᬧᬸᬦ᭄ᬩᬗᭂᬢ᭄ᬫᭂᬗ᭄ᬕᬄᬧᬓᬬᬸᬦ᭄ᬘᭀᬓᭀᬃᬳᬶᬤᬾᬯᬭᬶᬂᬢᬶᬢ᭄ᬬᬂ᭟ᬓ᭄ᬭᬡᬓᬾᬢᭀᬳᬢᬸᬃᬦᬾᬳᬶᬤᬸᬃ᭠ᬫ᭞ᬓᬧᬶᬋᬂᬫ᭄ᬯᬄᬓᬧᬶᬭᬕᬶᬳᭀᬮᬶᬄᬓᬯᬸᬮᬦᬾᬲᬩᬦ᭄ᬢᬲ᭄ᬳᬦᬾᬦᬗ᭄ᬓᬶᬮᬶᬦ᭄ᬳᬶᬤᬳᬦᬓᬾᬳᬕᬸᬂᬤᬶᬢᬸ᭞ᬢᬸᬃᬧᬤᬓᬧᬶᬯ᭄ᬮ
ᬲᬦ᭄ᬫ᭄ᬯᬄᬫᬘᭂᬗᭂᬳᬦ᭄᭞ᬢ᭄ᬓᬵᬫᬧᬫᬶᬢ᭄ᬲᬧᬶᬲᬦ᭄ᬦᬕᬶᬄᬗ᭄ᬮᬮᬸᬫᬢᬶ᭞ᬮᬓᬃᬗᭂᬢᭀᬳᬂᬳᬸᬭᬶᬧ᭄ᬦᬶᬡ᭄ᬥᬶ᭠ᬳᬶᬦ᭄ᬳᬶᬤᬲᬂᬧ᭄ᬭᬪᬸ᭟ᬲᬸᬩᬧ᭄ᬭᬕᬢ᭄ᬳᬢᬸᬃᬮᬳᬸᬢ᭄ᬳᬶᬤᬸᬃᬫᬜᬸᬫ᭄ᬩᬄ᭞ᬦᬸᬦᬲ᭄ᬫᬧᬫᬶᬢ᭄᭞ᬢᬸᬫᬸᬮᬶᬫᬚᬮᬦ᭄᭚᭜᭚ᬕ᭄ᬮᬶᬲᬶᬂᬘᬭᬶᬢ᭞
[᭓᭕ 35A]
᭓᭕
ᬲᬸᬩᬓᭀᬦᬾᬦᬧᬓ᭄ᬲᬶᬕ᭄ᬳᬸᬫᬄᬭᬵᬓ᭄ᬱᬲᬦᬾ᭞ᬤᬧᭂᬢᬗᬳᬸᬫᬄᬦᬾᬳᭂᬦᬸᬲᬸᬯᬸᬂ᭞ᬤᬶᬢᬸᬮᬳᬸᬢ᭄ᬳᬶᬤᬸᬃᬫᬗᬶᬚᭂᬂᬚᬸᬫᬄᬦᬾ᭞ᬗᬦ᭄ᬢ᭄ᬬᬂᬢᭂᬓᬦᬾᬳᬶᬭᬵᬓ᭄ᬱᬲᬳᬸᬮᬶᬫᬲ᭄ᬬᬢ᭄᭞ᬳᬧᬂᬳᭂᬤᬢᬯᬗᬤᬾᬯᬾᬓ᭄ᬦᬾᬫᬳᬦ᭄ᬦᬗ᭄ᬓᬶᬮᬶᬦ᭄ᬳᬶᬤᬲᬂᬧ᭄ᬭᬪᬸ
᭟ᬪᬕ᭄ᬬᬫᬲᬶᬄᬢᭀᬦ᭄ᬤᬾᬦ᭄ᬳᬶᬬᬫᬸᬮᬶᬄ᭟ᬬᬦ᭄ᬫᬮᬸᬯᬦ᭄ᬳᬶᬬᬚᬸᬫᬄ᭞ᬳᬧᬳᭀᬭᬳᬂᬳᬶᬩᬦᬾᬳᬮᬶᬄ᭞ᬓᭂᬦᭂᬄᬧᬢᬸᬢ᭄ᬓᭀᬓᬤᬮᬶᬄᬘᭀᬭᬄ᭚᭜᭚ᬢᭀᬦ᭄ᬤᬾᬦ᭄ᬫᬓᭂᬮᭀᬳᬶᬤᬸᬃᬫᬲᬶᬕ᭄ᬳᬸᬫᬄᬭᬵᬓ᭄ᬱᬲᬦᬾᬳᭂᬦ᭄ᬢᭀ᭞ᬓᬕᬾᬢ᭄ᬢᭂᬓᬳᬶᬬᬫᬭᭀ
ᬦ᭄ᬤᬦᬦ᭄ᬢᬸᬃᬫᬢᭂᬕᬭᬳᬧᬂᬤᬶᬗᭂᬳᬤᬾᬯᬾᬓ᭄ᬦᬾᬢᭂᬓᬢ᭄ᬓᬾᬦ᭄ᬳᬶᬤᬸᬃᬫ᭟ᬤᬾᬦᬶᬂᬳᬶᬬᬦᬶᬗᭂᬄᬢᭂᬕᬭ᭞ᬗᬾᬗ᭄ᬕᬮᬂᬧᭂᬲᬸᬫᬧᬕᬶᬦ᭄ᬫᬾᬫᬾᬩᬧᬦ᭄ᬦᬾᬢᬸᬃᬫᬜᬧ᭞ᬫᬾᬫᬾ᭞ᬩᬧ᭞ᬲᬫᬶᬯᬳᬸᬭᬯᬸᬄ᭟ᬫᬲᬳᬸᬃᬫᬾᬫᬾᬩᬧᬦ᭄ᬦᬾ᭞ᬳᭀᬫᬾ
ᬫᬾ᭞ᬩᬧ᭞ᬫᬭᬧᭂᬲᬦ᭄ᬢᭂᬓ᭟ᬦᬗ᭄ᬳᬶᬂᬮᬘᬸᬃ᭞ᬫᬾᬫᬾᬩᬧ᭞ᬢᬸᬲᬶᬂᬫᬕᬧ᭄ᬕᬧᬦ᭄ᬳᬧᬢᭂᬓᬾᬦᬶᬂᬘᭂᬦᬶᬂ᭞ᬳᬧᬂᬳᭂᬤᬘᭂᬦᬶᬂᬲᭂᬩᭂᬢ᭄ᬳᬶᬤᭂᬧ᭄᭞ᬩᬳᬦ᭄ᬫᬾᬫᬾᬩᬧᬫᬓ᭄ᬮᭀᬗᬮᬳᬶᬦ᭄ᬮᬸᬯᬲ᭄ᬓᬧᬲ᭄ᬬᬢᬦ᭄᭟ᬫᬢᬸᬃᬧ᭄ᬬᬦᬓ᭄ᬦᬾᬳᬶᬤᬹᬃᬫ᭞ᬳᬦ᭄ᬢᬸᬓ᭄ᬧᬸ᭠
