[᭔᭒ 42B]
᭔᭒
ᬭᬱᬲᬫ᭄ᬧᬸᬦ᭄ᬢᬸᬄ᭞ᬳᬶᬘ᭄ᬙᬩᭂᬮᬶᬜᬶᬦᬫ᭄ᬧᬸᬭ᭟ᬲᬫ᭄ᬧᬸᬦᬂᬫ᭄ᬩᬸᬯᬢᬂᬫᬗ᭄ᬓᬶᬦ᭄ᬲᭀᬓ᭄ᬯᬾᬦ᭄ᬢᭂᬦ᭄ᬳᬢᬸᬭᬦ᭄ᬢᬶᬢᬶᬬᬂ᭞ᬲᬧᬳᬾᬲᬓᬾᬂᬘᬗ᭄ᬓᭂᬫᬾ᭞ᬤᬸᬭᬸᬲ᭄ᬳᬫ᭄ᬩᬶᬮ᭄ᬦᬶᬓᬶ
ᬤᬾᬯ᭄ᬯ᭞ᬫᬮᬶᬄᬓᬫ᭄ᬧᬸᬄᬳᬩᬶᬤᬂ᭞ᬓᬫ᭄ᬧᬸᬳᬂᬚᬸᬳᬫᬕᭂᬕᭂᬩᬸᬕ᭄᭞ᬫᬤᭂᬫᬂᬓᬲ᭄ᬫᬭᬦ᭄ᬢᬶᬢᬶᬬᬂ᭟ᬳᬸᬮᬗᬸᬦ᭄ᬮᬦ᭄ᬲᬓᬶᬢ᭄ᬳᬢᬶ᭞ᬤᭀᬂᬢᬫ᭄ᬧᬶᬭᬢᬸᬤᬸᬭᬸᬲᬂ᭞
ᬓᬸᬤᬸᬗᬂᬭᬶᬂᬫᬃᬕ᭄ᬕᬶᬋᬓᭀ᭞ᬓᬮᬦᬾᬭᬶᬂᬧᬦᬗ᭄ᬲᬭᬦ᭄᭞ᬧᬸᬦᬧᬶᬲᬾᬲᬶᬲᬶᬧ᭄ᬢᬶᬢᬶᬬᬂ᭞ᬓ᭄ᬭᬡᬓᬸᬢᬂᬢᬦ᭄ᬓᬮᬶᬗᬸ᭞ᬯᬦ᭄ᬢᬄᬢᬾᬯᬾᬦ᭄ᬢᭂᬦ᭄ᬲᬫᬢᬺ᭟ᬤᬸᬓᬾᬭᬶᬂᬧ᭠
ᬢᬸᬭᭀᬦ᭄ᬭᬶᬳᬶᬦ᭄᭞ᬫᬧᬶᬢᬸᬮᬓᬢᬸᬭᭀᬦ᭄᭞ᬤᬾᬦᬶᬂᬓᬶᬫᬸᬤ᭄ᬫᬮᬶᬄᬯᭀᬦ᭄ᬩᭂᬮᬶᬫᬦᭂᬢᭂᬳᬶᬦ᭄ᬢᬶᬢᬶᬬᬂ᭞ᬜᭀᬜᭀᬦᬾᬓᬗ᭄ᬕᬾᬦ᭄ᬧᬮᬮᬶᬳᬦ᭄᭞ᬢᬗ᭄ᬓᬄᬩᭂᬮᬶ
[᭔᭓ 43A]
᭔᭓
ᬩᬭᬓ᭄ᬋᬜᬸᬄ᭞ᬗᭂᬫᬸᬕᭂᬢᬶᬄᬕᬾᬲ᭄ᬕᬾᬲ᭄ᬢᬶᬢ᭄ᬬᬂ᭟ᬫᬶᬭᬶᬩ᭄ᬗᬫ᭄ᬩᬸᬮ᭄ᬢᬶᬢᬶᬬᬂᬗᭂᬮᬶᬂ᭞ᬳᭂᬗ᭄ᬲᭂᬓ᭄ᬗᬸᬦ᭄ᬢᬸᬓ᭄ᬤᬶᬢᭂᬩᬾᬦᬦ᭄᭞ᬲᭂᬩᭂᬢ᭄ᬫᬗᬦ᭄ᬢᭂᬦᬂᬋᬓᭀ᭞ᬭᬾᬄ
ᬢᬧᬶᬄᬢᬶᬢᬶᬳᬗᬾᬩᬭᬓ᭄᭞ᬧᬸᬦᬶᬓᬳᬯᬶᬦᬦ᭄ᬢᬶᬢᬶᬬᬂ᭞ᬫᬦᭂᬓᭂᬧ᭄ᬦ᭠ᬓᭂᬧᬶᬦ᭄ᬩᬸᬗ᭄ᬓᬸᬢ᭄᭞ᬲᭂᬫ᭄ᬭᬶᬂᬢᬧᬶᬳᬾᬩᬭᬓ᭄᭟ᬭᬭᬶᬲ᭄ᬩᭂᬮᬶᬫᬗᭂᬲᬾᬳᬶᬦ᭄᭞ᬳᬦ᭄ᬢᬸ
ᬓᬫᭂᬦ᭄ᬢᬧᬶᬄᬲᬸᬢᬺ᭞ᬮᬶᬦ᭄ᬢᬂᬲᬓᬶᬢ᭄ᬧᬢᭂᬫᬸᬦᬾ᭞ᬭᬱᬢᬶᬢᬶᬬᬂᬢᬦ᭄ᬧᬚᬶᬯ᭞ᬤᬾᬦᬶᬂᬓᬢᬸᬫ᭄ᬩᬾᬦᬦ᭄ᬧᬶᬲᬦ᭄᭞ᬲᬬᬦ᭄ᬧᭂᬧᭂᬲᬬᬦ᭄ᬘᬮᬸᬄ᭞ᬧᬸᬦᬶᬓᬳᬾᬮᬶᬗᬂᬢᬶᬢᬶᬬᬂ᭟
ᬤᬶᬚᬭᬸᬭᬸᬄᬢᬶᬢᬶᬬᬂᬫᬗ᭄ᬓᬶᬦ᭄᭞ᬚᬶᬯᬦ᭄ᬩᭂᬮᬶᬲᬫ᭄ᬧᬸᬦ᭄ᬳᬶᬘᬮ᭄᭞ᬳᬸᬫᬧᬶᬓᬓᬬᬸᬦᬾᬭᬾᬕᬾᬲ᭄᭞ᬫᬲᭂᬳᭂᬦ᭄ᬓᬢᬶᬩᬾᬦ᭄ᬳᬸᬚᬦ᭄᭞ᬫᬗ᭄ᬓᬶᬦ᭄ᬫᬮᬶᬄᬓᬧᬦᭂᬲᬦ᭄᭞ᬩᭂᬮᬶ
