[᭔᭑ 41B]
᭔᭑
ᬫᬗ᭄ᬕᭀᬤ᭞ᬬᬰᬦ᭄ᬳᬶᬤᬲᬗ᭄ᬳ᭄ᬬᬂᬕᬸᬭᬸ᭞ᬢᬍᬃᬩᭂᬮᬶᬢᬦ᭄ᬗᬶᬥᭂᬧᬂ᭟ᬩᭂᬮᬶᬩᬲ᭄ᬮᬶᬦ᭄ᬢᬂᬗ᭄ᬕᬸᬕᭀᬦᬶᬦ᭄᭞ᬲᬧᬗᬸᬤᬸᬄᬲᬗ᭄ᬳ᭄ᬬᬂᬇᬦ᭄ᬤ᭄ᬭ᭞ᬲᬧᬸᬦᬶᬓᬶᬧᬦᬤᭀᬲᬾ᭞ᬯᬮᬸ
ᬬᬲᬂᬧᬭᬤᬾᬯ᭄ᬯ᭞ᬗᬯᬶᬦᬂᬲᬾᬤᬦ᭄ᬳᬶᬤᬾᬯ᭄ᬯ᭞ᬲᭂᬗ᭄ᬕᬸᬄᬢᬶᬢᬶᬬᬂᬩᭂᬮᬶᬩ᭠ᬕᬸᬲ᭄᭞ᬳᬶᬤᬾᬯ᭄ᬯᬓᬭᬶᬳᬸᬭᬶᬧᬵ᭟ᬓᭂᬜᭂᬮ᭄ᬲᬦ᭄ᬚᬢᬶᬢᬶᬬᬂᬩᭂᬮᬶ᭞ᬫᬗ᭄ᬭᬸᬭᬸᬄ
ᬭᬕᬦ᭄ᬳᬶᬤᬾᬯ᭄ᬯ᭞ᬫᬜᬸᬲᬸᬧ᭄ᬳᬮᬲ᭄ᬕᬸᬦᬸᬗᬾ᭞ᬮᬾᬫ᭄ᬧᭀᬃᬫᬗᭂᬦ᭄ᬢᬲᬶᬦ᭄ᬚᬸᬭᬂ᭞ᬢᬸᬓᬤ᭄ᬤᬍᬫ᭄ᬭᬾᬚᬾᬗᬦ᭄᭞ᬳᭂᬗ᭄ᬕᬸᬗᬾᬫᬗᬤᬸᬓ᭄ᬳᬤᬸᬓ᭄᭞ᬚᬳᬶᬮ᭄ᬭᬶᬂ
ᬢᬶᬢᬶᬬᬂᬲᬗ᭄ᬲᬭ᭟ᬫᬳᬶᬍᬄᬢᬶᬢᬶᬬᬂᬜᬮᬶᬓ᭄ᬲᬶᬓ᭄᭞ᬭᬶᬂᬧᬮᭀᬳᬦ᭄ᬜᬧᬸᬦᬶᬓ᭞ᬢᬦ᭄ᬯᬾᬦ᭄ᬢᭂᬦ᭄ᬗᭀᬭᬳᬶᬦ᭄ᬋᬓᭀ᭞ᬢᬶᬬᬶᬗᬾᬦᬶᬃᬤ᭄ᬤᭀᬦ᭄ᬫᬫᬢ᭞ᬯᬦ᭄ᬢᬄ
[᭔᭒ 42A]
᭔᭒
ᬩᬸᬦᬾᬭᬶᬗᬵᬮᬲ᭄᭞ᬳᬶᬧᬸᬦ᭄ᬳᭀᬮᬲ᭄ᬫᬫᬶᬢᬸᬤᬸᬄ᭞ᬭᬶᬂᬮᬶᬗ᭄ᬕᬶᬄᬘᭀᬓᭀᬃᬳᬶᬤᬾ᭠ᬯ᭄ᬯ᭟ᬭᬯᬸᬄᬢᬶᬢᬶᬬᬗᬾᬦᬾᬫᬗ᭄ᬓᬶᬦ᭄᭞ᬧᬋᬓ᭄ᬭᬶᬂᬘᭀᬓᭀᬃᬳᬶᬤᬾᬯ᭄ᬯ᭞ᬭᬶᬂᬧᬸᬘᬓ᭄ᬕᬸ᭠
ᬦᬸᬗᬾᬋᬓᭀ᭞ᬫᬮᬶᬄᬲ᭄ᬭᬶᬧᬶᬢ᭄ᬜᬓᬮᬶᬦ᭄ᬢᬂ᭞ᬩᭂᬮᬶᬢᬦ᭄ᬯᬾᬦ᭄ᬢᭂᬦ᭄ᬫᬜᬧ᭞ᬬᬤᬶᬦ᭄ᬫᭂᬦᭂᬂᬩᭂᬮᬶᬩᬕᬸᬲ᭄᭞ᬢᬶᬢᬶᬬᬂᬢᬦ᭄ᬧᬘᬂᬜᭂᬩᭂᬢᬂ᭟ᬬᬤᬶᬦ᭄ᬩᭂᬮᬶᬢᬦ᭄ᬫᬧᬕᬶᬦ᭄᭞ᬫᬂ
ᬗ᭄ᬓᬶᬦ᭄ᬫᬗᭂᬮᬾᬦᬶᬦ᭄ᬲᭀᬮᬄ᭞ᬚᭀᬄᬲᬦ᭄ᬓᬬᬸᬦᬾᬋᬓᭀ᭞ᬯᬦ᭄ᬢᬄᬓᬾᬳᬶᬩᭂᬮᬶ᭠ᬲᬾᬤ᭞ᬩᬲ᭄ᬢᬦ᭄ᬮᬶᬗᬸᬧᬶᬲᬦ᭄᭞ᬢᬶᬢᬶᬬᬂᬗᬭᬸᬭᬸᬄᬩᭂᬮᬶᬩᬕᬸᬲ᭄᭞ᬳᬗ᭄ᬳᬶᬂᬲᬫ᭄ᬧᬸ᭠
ᬭᬬᬂᬧᬶᬲᬦ᭄᭟ᬢᬶᬢᬶᬬᬂᬢᬦ᭄ᬫᬫ᭄ᬩᬸᬯᬢ᭄ᬦᬧᬶ᭞ᬕᬧ᭄ᬕᬧᬦ᭄ᬭᬶᬂᬮᬶᬗ᭄ᬕᬶᬄᬳᬶᬤ᭞ᬳᬦ᭄ᬢᬸᬓ᭄ᬧᬫᬃᬕ᭄ᬕᬶᬦᬾᬤᭀᬄ᭞ᬭᬯᬸᬄᬢᬶᬢᬶᬬᬗᬾᬮᬾᬤᬗᬂ᭞ᬫᬸᬂᬘᬦᬂᬫᬶᬯᬄᬲᭂᬧᬸᬄ᭞ᬢᬦ᭄ᬧ᭠
