[᭘᭒ 82B]
᭘᭒
ᬳ᭄ᬤᬫᬫᬳᭂᬓᬶᬦ᭄᭞ᬳ᭄ᬤᬗᬶᬗᭂᬢᬂ᭞ᬤᬹᬳᭀᬯᬦ᭄ᬲᭀᬮᬄᬜᬦᬾᬩ᭄ᬘᬶᬓ᭄᭟᭕᭕᭘᭟ᬬᬦ᭄ᬓᬮᬲᬸᬲᬸᬩᬗ᭄ᬓ᭄ᬬᬗᬾᬓᬮᬸᬕᬲ᭄᭞ᬬᬦ᭄ᬳᭂᬦ᭄ᬢᭀᬩᬓᬢ᭄ᬢᬶᬗᬮᬶᬦ᭄᭞ᬫᬸᬜᬶᬦ᭄ᬦᬾᬭᬸᬗᬸᬯᬂ᭞ᬓᬫ᭄ᬩᭂᬦ᭄ᬲᬶᬜ᭄ᬚᬂ᭞ᬫᬓ᭄ᬩᬶᬭᬦ᭄᭞ᬧᭂᬳᭃᬩᬢᬶᬲ᭄ᬓᬢᭀᬦ᭄ᬧᬸ
ᬯᬶᬄ᭞ᬫᬗᬯᬾᬧᬸᬲᬂ᭞ᬳᭂᬦ᭄ᬢᭀᬳ᭄ᬤᬫᬦᬶᬗ᭄ᬳᬮᬶᬦ᭄᭟᭕᭕᭙᭟ᬉᬮᬶᬂᬚᬦᬶᬜᬦ᭄ᬤᬂᬧᬥᬫᬢᬗᬭᬦ᭄᭞ᬳ᭄ᬤᬫᬯᬶᬭᬱᬲᬳᬶ᭞ᬢ᭄ᬓᬾᬦ᭄ᬫᬾᬫᬾᬜᬫ᭞ᬫ᭄ᬮᬄᬧ᭄ᬢᭂᬂᬳᭀᬯᬤᬤ᭄ᬯᬦᬦ᭄᭞ᬬᬤᬶᬦ᭄ᬢ᭄ᬓᬾᬦ᭄ᬧ᭄ᬬᬦᬓ᭄ᬚᬵᬢᬶ᭞ᬤᬳᬢᬶᬂᬳᬾᬗ᭄ᬕᬮ᭄
᭞ᬇᬦ᭄ᬤ᭄ᬭᬶᬬᬲ᭄ᬫᬭᬜᬸᬲᬸᬧᬶᬦ᭄᭟᭕᭖᭐᭟ᬲᬶᬦᬄᬕ᭄ᬲᭂᬂᬳᬶᬓᬬᬸᬲᬕ᭄ᬤᬾᬕ᭄ᬤᬾᬜ᭞ᬕᭀᬳᭀᬓ᭄ᬜᬦᬾᬚᬗᬶᬦ᭄ᬳᬧᬶ᭞ᬳ᭄ᬤᭀᬦ᭄ᬳᬓᬄᬘᬭᬂ᭞ᬲᬶᬦᬄᬧᬸᬳᬸᬦ᭄ᬢᬦ᭄ᬕᬦ᭄ᬢᬸᬮᬦ᭄᭞ᬦᬄᬓᬾᬢᭀᬳᬗ᭄ᬕᭀᬦ᭄ᬳᬸᬧᬫᬶ᭞ᬳᬶᬭᬕᬤ᭄ᬯᬾᬱ᭞ᬫᬗ᭄ᬭᬸᬱᬓ᭄ᬳ
ᬯᬓᬾᬲᬫᬶ᭟᭕᭖᭑᭟ᬬᬦᬶᬂᬲᬸᬩᬲᬭᬶᬦ᭄ᬤᬸᬦ᭄ᬳᬯᬓᬾᬭᬸᬱᬓ᭄᭞ᬲᬃᬯ᭄ᬯᬳᬬᬸᬳᬶᬮᬂᬮᬶᬮᬶᬄ᭞ᬥᬃᬫ᭄ᬫᬳᬃᬣᬫᭀᬓ᭄ᬱ᭞ᬓᬕᭂᬩᬸᬕ᭄ᬩᬦ᭄ᬭᬕᬤ᭄ᬯᬾᬱ᭞ᬧᬥᬕᭂᬫ᭄ᬧᬸᬂᬤᬕ᭄ᬥᬪᬲ᭄ᬫᬶ᭞ᬲ᭄ᬫᬭᬦᬵᬮ᭞ᬧᬗᭂᬲᭂᬗᬦ᭄ᬕᬸᬫᬶᬲᬫᬶ᭟᭕᭖᭒᭟ᬭᬕ
[᭘᭓ 83A]
ᬤ᭄ᬯᬾᬱᬳᭂᬦ᭄ᬢᭀᬓᬮᬶᬧᬦᭂᬕᬸᬮᬦ᭄᭞ᬳᬯᬓ᭄ᬱᬸᬩ᭞ᬳᬶᬫ᭄ᬧᬸᬲ᭄ᬲᬫᬶ᭟ᬦᬵᬗᬶᬂᬬᬦ᭄ᬜᬶᬤ᭄ᬥᬬᬂ᭞ᬫᬗ᭄ᬮᬸᬲ᭄ᬢᬮᬶᬦ᭄ᬲ᭄ᬫᬭ᭞ᬲᬶᬦᬄᬗᬸᬗ᭄ᬲᬶᬲ᭄ᬯᬃᬕ᭄ᬕᬍᬯᬶᬄ᭞ᬭᬶᬂᬲ᭄ᬯᬃᬕ᭄ᬕᬦ᭄᭞ᬤᬶᬢᬸᬓᬲᬸᬓᬦᬾᬓᬫ᭄ᬧᬶ᭟᭕᭖᭓᭟ᬲᬸᬓᬯᬶᬪᬸᬄᬫᬦᭀᬗᭀ
ᬲ᭄ᬤᬶᬲ᭄ᬯᬃᬕ᭄ᬕᬩ᭄ᬭᬵᬳ᭄ᬫ᭞ᬧᬭᬫᬵᬲᬸᬓᬓᬤᬦᬶᬦ᭄᭞ᬢᬦ᭄ᬫᬩᬮᬶᬓ᭄ᬤᬸᬄᬓ᭞ᬢᬦ᭄ᬓᬢᬫᬦ᭄ᬫᬢᬶᬢᬸᬳ᭞ᬪᬵᬬᬮᬭᬢᬦ᭄ᬓᬢᬫ᭄ᬧᬶ᭞ᬲ᭄ᬯᬃᬕ᭄ᬕᬦᬶᬃᬯ᭄ᬯᬦᬵ᭞ᬧᬭᬦ᭄ᬲᬶᬄᬳᬸᬘᬧᬂᬫᬮᬶᬄ᭟᭕᭖᭔᭟ᬧᬶᬓᬦ᭄ᬢᭂᬦᬦ᭄ᬲᬂᬜᬶᬤ᭄ᬥᬬᬂᬫ᭄ᬕᬢ᭄ᬲ᭄ᬫᬭ᭞ᬳᬶᬓ᭄ᬭᭀᬥᬲᬶ
ᬦᬄᬫᬢᬶ᭞ᬲᬶᬦᬄᬲᬸᬩᬓ᭄ᬮᬦ᭄᭞ᬭᬶᬂᬳᬮᬳᬬᬸᬦᬶᬂᬉjᬳᬃ᭞ᬕᬕᭀᬥᬦ᭄ᬢ᭄ᬯᬭᬜᬓᬶᬢᬶᬦ᭄᭞ᬳᭂᬦ᭄ᬢᭀᬓᬤᬦᬦ᭄᭞ᬲ᭄ᬫᬭᬩᬫᬕᬶᬲᬶ᭟᭕᭖᭕᭟ᬳ᭄ᬤᬓ᭄ᬭᭀᬥᬬᬦᬶᬂᬩ᭄ᬦᭂᬄᬓᬧ᭄ᬮᬶᬳᬂ᭞ᬳᬧᬩ᭄ᬯᬶᬦᬸᬚᬸᬧ᭄ᬮᬶᬄ᭞ᬤᬾᬦᬶᬂᬢ᭄ᬯᬭᬢᬯᬂ᭞ᬧ᭄ᬮᬶᬄᬳᬯᬓᬾ
ᬦᬾᬲᬸᬩ᭞ᬓ᭄ᬭᬡᬚᬦᬶᬦᬫ᭄ᬧᬶᬧ᭄ᬮᬶᬄ᭞ᬤᭀᬱᬦᬾᬲᬸᬩ᭞ᬳᭂᬦ᭄ᬢᭀᬳᬩᬓᬬᬂᬚᬦᬶ᭟᭕᭖᭖᭟ᬓᬤᬾᬦ᭄ᬲᬥ᭄ᬬᬫᬭᬧ᭄ᬮᬶᬄᬢ᭄ᬯᬭᬗᭂᬦᬄ᭞ᬬᬦ᭄ᬲᬸᬳᬸᬂᬓᬤᬾᬦᬂᬲ᭄ᬧᬶ᭞ᬤᬶᬢᬸᬓᬼᬢ᭄ᬧᬶᬲᬦ᭄᭞ᬓᬤᬾᬦ᭄ᬲᬚᬢ᭄ᬯᬭᬦᬯᬂ᭞ᬤᬤᬶᬮᬶ
Page:Bali-lontar-paparikan-sarasamuscaya-300ppi.pdf/83
Jump to navigation
Jump to search
This page has been proofread.
