[᭘᭑ 81B]
᭘᭑
ᬥᬦ᭄ᬲᬂᬧᬭᬳᬶᬲ᭄ᬢ᭄ᬭᬶ᭟᭕᭔᭙᭟ᬳᬤᬩᬗ᭄ᬓᬾᬭᬶᬂᬳᬯᬓ᭄ᬳᬶᬲ᭄ᬢ᭄ᬭᬶᬦᬾᬫᬕ᭄ᬦᬄ᭞ᬩ᭄ᬜᭂᬄᬫᬗ᭄ᬓᬸᬕ᭄ᬢᬦ᭄ᬲᬶᬧᬶ᭞ᬧᬵᬢᬹᬢ᭄ᬓᬕ᭄ᬥᭂᬕᬂ᭞ᬢᬸᬃᬜᬦ᭄ᬤᬂᬓᬲᬫ᭄ᬧᬶᬗᬂ᭞ᬳᭂᬦ᭄ᬢᭀᬤᬤᬶᬗᬯᬾᬲᬓᬶᬢ᭄᭞ᬲᬂᬓᬚ᭄ᬦᭂᬓᬦ᭄᭞ᬤ᭄ᬫᭂᬦ᭄ᬳᬸᬮᬗᬸᬦ᭄ᬜᬓᬶᬢᬶᬦ᭄᭟᭕᭕᭐᭟ᬬ
ᬦᬶᬂᬤᬶᬦᬶᬤᬶᬫᬥ᭄ᬬᬧᬤᬫᭀᬢ᭄ᬢᬫ᭞ᬳᬶᬤᬲᬂᬧᬵᬡ᭄ᬥᬶᬢᬍᬯᬶᬄ᭞ᬧᬶᬦᬶᬄᬯᬶᬘᬓ᭄ᬱᬡ᭞ᬲᬶᬦᬄᬳᬶᬤᬓᬲᭂᬗ᭄ᬓᬮᬦ᭄᭞ᬬᬦ᭄ᬓᬢᬶᬢᬶᬄᬤᬾᬦᬶᬂᬳᬲ᭄ᬢ᭄ᬭᬶ᭞ᬫᬗ᭄ᬕᬸᬄᬓᬲ᭄ᬫᬮ᭞ᬩᬳᬦ᭄ᬳᬶᬓᬸᬮᬶᬢ᭄ᬫᬍᬧᬶᬢ᭄᭟᭕᭕᭑᭟ᬚ᭄ᬭᭀᬦᬶᬂᬓᬸᬮᬶᬢ᭄ᬳᬤᬢᬢᬢᬸᬢᬦ᭄
ᬓ᭄ᬦᬂᬯᬭᬲ᭄᭞ᬳᭂᬗ᭄ᬕᬂᬲᬲᬵᬳᬶᬗᬚ᭄ᬗᬶᬢ᭄᭞ᬋᬕᭂᬤᬾᬫᬗᬫ᭄ᬩᬄ᭞ᬳᬫ᭄ᬩᬄᬩᬜᬸᬫᬶᬯᬄᬭᬄ᭞ᬩᬜᭂᬳᬾᬫᬫᬺᬲ᭄ᬲᬵᬳᬶ᭞ᬫ᭄ᬯᬄᬲᬵᬃᬯ᭄ᬯᬫᬮᬵᬳᭂᬦ᭄ᬢᭀᬗᬯᬾᬩᬸᬤᬸᬄᬧᬮᬶᬂ᭟᭕᭕᭒᭟ᬤᬶᬕᬸᬫᬶᬦᬾᬳᭂᬦ᭄ᬢᭀᬗᬯᬾᬩᭀᬗᭀᬮ᭄ᬩᬸᬢ᭞ᬓ᭄ᬭᬡᬳᭂ
ᬗ᭄ᬲᬧ᭄ᬩ᭄ᬮᭀᬕ᭄ᬤᬤᬶ᭞ᬳᭀᬮᬶᬄᬢᬢᬸᬲᬲᬃ᭞ᬳᬸᬬᬂᬤᬤᬶᬫᬫᬸᬮᬶᬲᬄ᭞ᬧᬗ᭄ᬯᬾᬱᬦ᭄ᬳᬶᬲ᭄ᬫᬭᬕ᭄ᬦᬶ᭞ᬲᬶᬦᬄᬲᭂᬗ᭄ᬓᬮ᭞ᬓᬩᭀᬃᬩᭀᬃᬓᬢᬸᬜ᭄ᬚᭂᬮ᭄ᬲᬳᬶ᭟᭕᭕᭓᭟ᬬᬦᬶᬂᬳᬶᬢᬢᬸᬲᬳᬶᬓᭀᬲᭀᬄᬧᬸᬲᬸᬲ᭄ᬳᬩᬲ᭄᭞ᬢ᭄ᬯᬭᬫᬓ᭄ᬚᭂᬳᬦ᭄ᬲᬓᬶᬢ᭄
[᭘᭒ 82A]
᭞ᬢ᭄ᬯᬭᬫᬢ᭄ᬭᬭᬸᬱᬓ᭄᭞ᬫᬯᭂᬯᭂᬄᬓᬸᬓᬸᬄᬫᬗ᭄ᬮᬯᬦ᭄᭞ᬦᬾᬤᬶᬢᬗᬄᬢ᭄ᬯᬭᬧᬗ᭄ᬕᬶᬄ᭞ᬬᬤᬶᬦ᭄ᬲᬭᬢᬂ᭞ᬳᬸᬕᬸᬕ᭄ᬧᬸᬢᭂᬭᬂᬲᬲᬵᬳᬶ᭟᭕᭕᭔᭟ᬲᬂᬫᬗ᭄ᬭᬸᬭᬸᬄᬤᬤᬶᬗ᭄ᬫᬃᬓᬓᬾᬯᭂᬳᬦ᭄᭞ᬳᬶᬮᬵᬂᬕᬸᬡᬢ᭄ᬕᬸᬄᬰᬓ᭄ᬢᬶ᭞ᬫᬶᬯᬄᬓᬧ᭄ᬭ
ᬚ᭄ᬜᬦᬦ᭄᭞ᬓᬢ᭄ᬓᬾᬂᬳᬶᬭᬚᬩ᭄ᬭᬡ᭞ᬲᬬᬦᬺᬋᬤ᭄ᬧᬸᬦᬄᬲᬳᬶ᭞ᬬᬤᬤᬶᬩᬾᬮ᭞ᬫᬾᬮᬦᬶᬦ᭄ᬳᬶᬢᬸᬬᬸᬄᬲᬵᬳᬶ᭟᭕᭕᭕᭟ᬲᬂᬧᬵᬡ᭄ᬥᬶᬢᬳᬗᭀᬪᬶᬤᬵᬫᬯᬘᬡ᭞ᬳᭂᬦ᭄ᬢᭀᬢᬢᬸᬤᬳᬢ᭄ᬧᭂᬗᬶᬢ᭄᭞ᬫᬫᭂᬲᬸᬯᬂᬫᬮ᭞ᬫ
ᬮᬦ᭄ᬤᬾᬯᬾᬓ᭄ᬫᬶᬯᬄᬩᬲᬂ᭞ᬫᬗ᭄ᬭᬡᬬᬂᬮᬸᬮᬸᬢ᭄ᬧᬮᬶᬂ᭞ᬩᬸᬗᭂᬂᬫᬸᬮᬶᬲᬄ᭞ᬳᬗᭀᬩ᭄ᬩᬧᬢᬦ᭄ᬲᬶᬦᬶᬧᬶ᭟᭕᭕᭖᭟ᬓᬩᬜ᭄ᬘᬦᬕᬸᬫᬶᬦᬾᬧᬤᬫᬓ᭄ᬚᬂ᭞ᬧᬶᬢ᭄ᬯᭂᬦᬾᬲᬚᬤᬶᬦᬶ᭟ᬤᬶᬕᬸᬫᬶᬦᬾᬓᬲᬃ᭞ᬦᬾᬦᬾᬍᬢᭂᬄᬫᬯᬓ᭄ᬫᭂ
ᬮᬄ᭞ᬳᬶᬩ᭄ᬮᭀᬕ᭄ᬫᬳᬩᭂᬢ᭄ᬭᬶᬭᬶᬄ᭞ᬳᬶᬤᬲᬂᬧ᭄ᬭᬚ᭄ᬜᬦ᭄᭞ᬲᭂᬗ᭄ᬕᬸᬄᬭᬗ᭄ᬲᭂᬂᬧᭂᬗ᭄ᬓᬸᬂᬧᬮᬶᬂ᭟᭕᭕᭗᭟ᬳᭂᬦ᭄ᬢᭀᬓ᭄ᬭᬡᬳᬶᬲ᭄ᬢ᭄ᬭᬶᬦᬾᬚᬦᬶᬳ᭄ᬚᭀᬳᬂ᭞ᬳ᭄ᬤᬗᬭᬸᬗᬹᬤᬶᬓᬸᬧᬶᬂ᭞ᬬᬦᬶᬂᬬᬫᬗᬸᬘᬧ᭄᭞ᬫᬶᬯᬄᬬᬦ᭄ᬫᬵᬩᬶᬲᬶᬓ᭄ᬫᬗᬸᬘᬧ᭄᭞ᬳᭂᬦ᭄ᬢᭀ
Page:Bali-lontar-paparikan-sarasamuscaya-300ppi.pdf/82
Jump to navigation
Jump to search
This page has been proofread.
