[᭕᭓ 53B]
᭕᭓
ᬦᬶᬬᬦ᭄᭞ᬤᬸᬄᬓᬯ᭄ᬓᬲᬾᬓᬢ᭄ᬧᬸᬓ᭄᭟᭓᭒᭐᭟ᬳᬤᬳᬦᬓ᭄ᬧᬕᭂᬄᬚᬵᬢᬶ᭞ᬦᬗᬸᬦ᭄ᬢᬧ᭞ᬫᬲ᭄ᬫᬥᬶᬧᬕᭂᬄᬧᬸᬕᬸᬄ᭞ᬫᬓᬾᬃᬣᬶᬢᬦ᭄ᬓᭂᬦᬾᬂᬍᬲᬸ᭞ᬇᬦ᭄ᬤ᭄ᬭᬶᬬᬫᬧᬸᬗ᭄ᬕᭂᬮ᭄ᬲᬳᬶ᭞ᬳᬲᬶᬄᬢ᭄ᬓᬾᬦ᭄ᬲᬵᬃᬯ᭄ᬯᬲᬵᬢ᭄ᬯ᭞ᬳᭂᬦ᭄ᬢᭀᬲᬸᬓᬦᬾᬓᬧᬸᬗ᭄ᬓᬸᬃ᭞
ᬢ᭄ᬯᬶᬢ᭄ᬯᬭᬫᬫᬸᬯᬢᬂ᭞ᬲᬸᬓᬵᬇᬦ᭄ᬤ᭄ᬭᬶᬬᬦᬾᬚᬦᬶ᭞ᬓ᭄ᬭᬡᬲᬸᬓᬦᬾᬓᬯ᭄ᬓᬲ᭄᭞ᬢ᭄ᬯᬭᬜᬦ᭄ᬤᬂᬧᬘᬂᬳᬶᬢᬸᬂ᭟᭓᭒᭑᭟ᬬᬦ᭄ᬫᬫ᭄ᬭᬶᬄᬲᬸᬓᬚᬦᬶ᭞ᬲᬸᬓᬯ᭄ᬓᬲ᭄᭞ᬳᬶᬥᬃᬫ᭄ᬫᬳᬸᬕᬶᬮᬮᬕᬸ᭞ᬓᬕᬯᬾᬦᬶᬦ᭄ᬫᬗ᭄ᬤᬧᬸᬧᬸᬢ᭄᭞ᬬᬦᬶᬂᬲᬫ᭄ᬧᬸᬦ᭄ᬧᬸᬧᬸ
ᬢ᭄ᬩ᭄ᬘᬶᬓ᭄᭞ᬫᬭᬗᬮᬶᬄᬭᬵᬚᬩ᭄ᬭᬡ᭞ᬫᬶᬯᬄᬫᬭᬩᬶᬫᬗ᭄ᬮᬯᬸᬢ᭄᭞ᬫᬫᬸᬧᬸᬦᬶᬦ᭄ᬓᬳᬶᬦ᭄ᬤ᭄ᬭᬶᬬᬦ᭄᭞ᬫᬬᬚ᭄ᬜᬫᬣᬶᬃᬣᬓᬶᬃᬣᬶ᭞ᬳᬲᬶᬂᬳᬶᬦᬸᬘᬧᬶᬂᬬᬚ᭄ᬜᬵ᭞ᬓᬚᬮᬦᬶᬦ᭄ᬲᬓᬶᬂᬧᬢᬹᬢ᭄᭟᭓᭒᭒᭟ᬳᬤᬵᬳᬦᬓ᭄ᬤᬸᬄᬓᬚᬦᬶ᭞ᬤᬸᬄᬓᬯ᭄ᬓ
ᬲ᭄᭞ᬳᬲᬶᬂᬕᬯᬾᬮᬶᬯᬢ᭄ᬓᬶᬯᬸᬮ᭄᭞ᬤᬵᬦᬧᬹᬡ᭄ᬬᬢᬦ᭄ᬯᬶᬦᬗᬸᬦ᭄᭞ᬢᬦ᭄ᬧᬬᬚ᭄ᬜᬵᬢᬦ᭄ᬧᬗᬚᬶ᭞ᬓᬮᬶᬂᬓᬾᬫᬦᬗᬸᬦ᭄ᬢᬧ᭞ᬗ᭄ᬕᬯᬾᬦᬶᬦ᭄ᬘᭀᬭᬄᬲᬢᬸᬳᬸᬓ᭄᭞ᬢᬦ᭄ᬧᬕᬸᬡᬵᬢᬦᬶᬲᬤ᭄ᬬ᭞ᬳᬯᬓ᭄ᬢᬶᬯᬲ᭄ᬢᬸᬭᬶᬂᬍᬓᬶᬕ᭄᭞ᬳᬲᬶᬂ
[᭕᭔ 54A]
ᬲᭀᬮᬄᬓᬤᬸᬄᬓᬶᬢᬦ᭄᭞ᬳᬤᭀᬄᬲᬸᬓᬦᬾᬓᬢᭂᬧᬸᬓ᭄᭟᭓᭒᭓᭟ᬬᬦ᭄ᬳᬶᬚᬦ᭄ᬫᬲᬓᬶᬂᬚᬵᬢᬶ᭞ᬰᬸᬘᬶᬲᬢ᭄ᬬ᭞ᬳᬶᬓ᭄ᬭᭀᬥᬬᬲᬸᬩᬧᬸᬳᬸᬦ᭄᭞ᬫᬫᬕᭂᬳᬂᬩ᭄ᬭᬢᬳᬬᬸ᭞ᬯ᭄ᬮᬲ᭄ᬭᬶᬂᬲᬵᬃᬯ᭄ᬯᬫᬉᬭᬶᬧ᭄᭞ᬓᬧᬶᬦᭂᬳᬂᬢ᭄ᬯᬭᬩᬶᬦᬵ᭞ᬲᬯᭂ
ᬯᭂᬗ᭄ᬓᭀᬦ᭄ᬭᬶᬂᬚᬕᬢ᭄ᬳᬕᬸᬂ᭞ᬲᬚᬉᬭᬶᬧ᭄ᬜᬦᬾᬢᬸᬗ᭄ᬕᬮ᭄᭞ᬳᭂᬦ᭄ᬢᭀᬫᬤᬦ᭄ᬳᬶᬥᭂᬧ᭄ᬚᬢᬶ᭞ᬲᬓ᭄ᬱᬢ᭄ᬬᬚ᭄ᬜᬢᬶᬃᬣᬬᬢ᭄ᬭ᭞ᬧᬩᬺᬲᬶᬳᬦ᭄ᬳ᭄ᬦᬶᬂᬫᬸᬮᬸᬲ᭄᭟᭓᭒᭔᭟ᬬᬶᬂᬢ᭄ᬯᬭᬦᬗᬸᬦ᭄ᬓᬶᬃᬢᬶ᭞ᬢᬶᬃᬣᬬᬢᬺ᭞ᬳᬶᬩ᭄ᬭᬡᬢ᭄ᬯᬭᬓᬳᬶᬢᬸᬂ᭞ᬤᬵᬦᬧᬹᬡ᭄ᬬᬢ
ᬦ᭄ᬯᬶᬦᬗᬸᬦ᭄᭞ᬳᭂᬦ᭄ᬢᭀᬢᬶᬯᬲ᭄ᬓᬳᬤᬦᬶᬦ᭄᭞ᬢᬶᬯᬲᬾᬓᬮᬶᬯᬢ᭄ᬮᬶᬯᬢ᭄᭞ᬮᬶᬯᬢ᭄ᬳᬶᬬᬢᬦ᭄ᬧᬢᬸᬯᬸᬄ᭞ᬢᬸᬯᬸᬄᬜᬦᬾᬢᬦ᭄ᬧᬕᬸᬡ᭞ᬕᬸᬡᬳᬶᬮᬂᬲᬸᬩᬮᬶᬮᬶᬄ᭞ᬮᬶᬮᬶᬄᬩᬳᬦ᭄ᬓᬫᭀᬫᭀᬳᬦ᭄᭞ᬫᭀᬫᭀᬦᬾᬫᬗ᭄ᬕᬯᬾᬮᬘᬸᬃ᭟᭓᭒
᭕᭟ᬢᬶᬃᬣᬬᬢᬺᬤᬳᬢ᭄ᬰᬸᬘᬶ᭞ᬫᬉᬢ᭄ᬢᬫ᭞ᬳ᭄ᬦᬶᬂᬜᬦᬾᬮᬶᬦ᭄ᬢᬂᬫᬸᬮᬸᬲ᭄᭞ᬨᬮᬦ᭄ᬬᬚ᭄ᬜᬦ᭄ᬜᬦᬾᬮᬸᬳᬸᬂ᭞ᬳᭂᬦ᭄ᬢᭀᬗᬸᬘᬶᬯᬬᬂᬲᬫᬶ᭞ᬲᬂᬢᬶᬯᬲ᭄ᬜᬦ᭄ᬤᬂᬜᬮᬦᬂ᭞ᬢᬶᬃᬣᬬᬢ᭄ᬭᬦᬾᬧᬶᬓᬸᬓᬸᬄ᭞ᬫᬤᬲᬃᬩᬵᬦ᭄ᬓᬢᬸᬬᬸᬳᬦ᭄᭞ᬢ᭄ᬯᬭᬗᬗ᭄ᬕᭀ
Page:Bali-lontar-paparikan-sarasamuscaya-300ppi.pdf/54
Jump to navigation
Jump to search
This page has been proofread.
