[᭕᭔ 54B]
᭕᭔
ᬳ᭄ᬫᬵᬲ᭄ᬧᬶᬧᬶᬲ᭄᭞ᬤᬲᬃᬧᬕᭂᬄᬳ᭄ᬦᬶᬂᬫᬦᬄ᭞ᬲᬶᬦᬄᬭᬳᬬᬸᬓᬢ᭄ᬧᬸᬓ᭄᭟᭓᭒᭖᭟ᬳᬶᬢᬶᬯᬲ᭄ᬓᬤᬤᬶᬦ᭄ᬫᬢᬶ᭞ᬢᬦ᭄ᬧᬕᬸᬡ᭞ᬳᬶᬬᬮᬲ᭄ᬳᬶᬚᬕᬢ᭄ᬳᬕᬸᬂ᭞ᬤᬾᬰᬩᬜ᭄ᬚᬃᬢᬦ᭄ᬧᬭᬢᬸ᭞ᬫᬢᬶᬫᬲᬶᬄᬓᬳᬤᬦᬶᬦ᭄᭞ᬓᬾᬢᭀᬳᬶᬫᬶᬢ᭄ᬭᬵᬢᬃ
ᬧ᭄ᬧᬡ᭞ᬫᬲᬶᬄᬫᬢᬶᬯᬵᬱ᭄ᬝᬦᬶᬧᬸᬦ᭄᭞ᬬᬦ᭄ᬢᬦ᭄ᬰ᭄ᬭᬸᬢᬶᬫᬓᬤᬲᬃ᭞ᬧᬫᬸᬧᬸᬢ᭄ᬳ᭄ᬬᬂᬯᬾᬤ᭄ᬥᬍᬯᬶᬄ᭞ᬫᬢᬶᬲᬓᬜ᭄ᬘᬦ᭄ᬳᬶᬬᬚ᭄ᬜᬵ᭞ᬬᬦ᭄ᬢᬦ᭄ᬥᬓ᭄ᬱᬶᬡᬦᬾᬓᬢᬹᬃ᭟᭓᭒᭗᭟ᬬᬦᬶᬂᬢᬶᬯᬲ᭄ᬢᬦ᭄ᬧᬓᬶᬃᬢ᭄ᬢᬶ᭞ᬢᬦ᭄ᬧᬥᬃᬫ᭄ᬫ᭞ᬧᬧᬵᬧᬧᬦ᭄ᬦᬶᬗᬧᬸᬗ᭄ᬕᬸᬂ᭞ᬍᬢᬸᬄ
ᬍᬢᬸᬳᬶᬗᬍᬢᬸᬄ᭞ᬋᬕᭃᬤ᭄ᬋᬕᭂᬤᬾᬓᬧᬗ᭄ᬕᬶᬄ᭞ᬧᬗ᭄ᬕᬶᬄᬪᬬᬦᬶᬗᬪᬬ᭞ᬪᬬᬢᬓᬸᬢᬶᬗᬢᬓᬸᬢ᭄᭞ᬢᬓᬸᬢ᭄ᬋᬲ᭄ᬋᬲᬦ᭄᭞ᬋᬲ᭄ᬋᬲ᭄ᬋᬲ᭄ᬫᬢᬶᬦᬶᬗᬫᬵᬢᬶ᭞ᬫᬢᬶᬧ᭄ᬭᬕᬢ᭄ᬓᬳᬤᬦᬦ᭄᭞ᬩᬶᬦ᭄ᬧᬶᬤᬦ᭄ᬫᬯᬮᬶᬢᬸᬫ᭄ᬩᬸᬄ᭟᭓᭒᭘᭟
ᬬᬦ᭄ᬳᬶᬢᬶᬯᬲ᭄ᬢᬸᬯᬶᬭᬶᬭᬶᬄ᭞ᬫᬶᬯᬄᬧ᭄ᬭᬚ᭄ᬜᬦ᭄᭞ᬳ᭄ᬜᬾᬦ᭄ᬲᬾᬦ᭄ᬤᭂᬫ᭄ᬫᬗᬸᬭᬹᬗᬹ᭞ᬧᬗᬸᬘᬧ᭄ᬳᬶᬢᬶᬯᬲ᭄ᬦᬸᬢᬸᬃ᭞ᬬᬤᬶᬦ᭄ᬫᬗ᭄ᬕᬶᬄᬓᬮᬩ᭄ᬘᬶᬓ᭄᭞ᬫᬦᬸᬢᬸᬭᬂᬓ᭄ᬭᬡᬓ᭄ᬭᬡ᭞ᬲᬶᬦᬄᬢ᭄ᬯᬭᬳᬤᬗ᭄ᬭᬸᬗᬹ᭞ᬳᭂᬤᭀᬄᬳᬤᬳᬦᬓ᭄ᬯ᭄ᬮᬲ᭄᭞ᬳ᭄ᬜᬓ᭄ᬧᬘᬂᬫᬗᭂᬦᭂᬫᬶᬦ᭄᭞
[᭕᭕ 55A]
ᬳᬯᬓ᭄ᬢᬶᬯᬲ᭄ᬢᬦ᭄ᬧᬬᬱ᭞ᬢᬸᬭᬶᬂᬫᬲᬲᬃᬩᬦ᭄ᬧᭂᬗ᭄ᬓᬸᬂ᭟᭓᭒᭙᭟ᬳᬶᬢᬶᬯᬲ᭄ᬓᬢᬸᬦᬳᬚᬶ᭞ᬢ᭄ᬯᬶᬫᬕᬸᬡ᭞ᬢ᭄ᬯᬶᬓᬩᬶᬱᬡᬾᬮᬶᬬᬸ᭞ᬲᬶᬦᬄᬢ᭄ᬯᬭᬧᬢᬶᬓᬲᬸᬩ᭄᭞ᬢ᭄ᬯᬭᬳ᭄ᬜᬓ᭄ᬧ᭄ᬭᬕᬢ᭄ᬩᭂᬘᬶᬓ᭄᭞ᬤᬾᬦᬶᬂᬯᬶᬪᬵᬯᬫᬓ᭄ᬭᬡ᭞ᬫ᭄ᬮᬳᬾᬓᬳᬸᬘᬧ᭄ᬧᬸᬧᬸᬢ᭄
᭞ᬳᬸᬧᬫᬶᬓᬤᬶᬳ᭄ᬬᬂᬲᬹᬃᬬ᭄ᬬ᭞ᬲᬓᬶᬂᬢᬾᬚᬓ᭄ᬭᬡᬗᭂᬦ᭄ᬤᬶᬄ᭞ᬳᬶᬢᬾᬚᬢ᭄ᬯᬄᬗ᭄ᬕᬯᬾᬕᬮᬂ᭞ᬗ᭄ᬕᬮᬗᬶᬦ᭄ᬲᬵᬃᬯ᭄ᬯᬫᬩᬬᬸ᭟᭓᭓᭐᭟ᬳᬶᬘᭂᬡ᭄ᬥᬮᬫᬶᬦᬓᬤᬶ᭞ᬫ᭄ᬯᬄᬳᬶᬢᬶᬯᬲ᭄᭞ᬬᬦᬶᬂᬢᬃᬓ᭄ᬓᬓ᭄ᬭᬡᬵᬳᬶᬥᬸᬧ᭄᭞ᬫᬓᬤᬤ᭄ᬯᬫᬶᬭᬶᬩ᭄ᬧᬢᬸᬄ᭞ᬧᬮᬓᬵᬃᬫ᭄ᬫᬦ᭄ᬜ
ᬦᬾᬗᬹᬦᬶ᭞ᬢ᭄ᬯᬭᬢᬳᬾᬦ᭄ᬗ᭄ᬕᬯᬾᬤᬵᬦ᭞ᬤᬵᬦᬦ᭄ᬳᬶᬘᭂᬡ᭄ᬥᬮᬦᬾᬧᬵᬢᬹᬢ᭄᭞ᬲᬶᬦᬄᬢ᭄ᬯᬭᬳᬤᬦᬗ᭄ᬕᬧ᭄᭞ᬳᬶᬢᬶᬯᬲ᭄ᬢᬸᬢᬸᬭᬂ᭞ᬤᬦᬵᬦ᭄ᬜᬦ᭄ᬦᬾᬤ᭄ᬫᬶᬢ᭄ᬧᬶᬲᬦ᭄᭞ᬨᬮᬦ᭄ᬲᬶᬦᭀᬫᬾᬫᬦᬸᬢᬸᬕ᭄᭟᭓᭓᭑᭟᭚᭐᭚ᬫᬸᬯᬄᬳᬸᬫᬄᬳᬶ
ᬢᬶᬯᬲ᭄ᬢᬸᬢᬸᬭᬂ᭞ᬳᬸᬧᬫᬶᬬᬂᬮ᭄ᬯᬶᬃᬬᬫᬵᬡᬶ᭞ᬤᬾᬦᬶᬂᬳᬸᬯᬸᬕ᭄ᬭᬾᬗ᭄ᬕᬂᬭᬾᬗ᭄ᬕᭀᬂ᭞ᬲᬃᬯ᭄ᬯᬩ᭄ᬭᬡᬢ᭄ᬯᬭᬫᬶᬲᬶ᭞ᬢ᭄ᬯᬭᬫ᭄ᬩᬳᬦ᭄ᬳᬲᬶᬂᬗᬮᬶᬄ᭞ᬳᬲᬶᬂᬤᬢᬸᬋᬕᭂᬤ᭄ᬍᬢᬸᬄ᭞ᬫᬶᬗ᭄ᬓᬶᬦ᭄ᬓᬾᬳᬤᬧᬋᬓᬦ᭄᭞ᬳᬦᬓ᭄ᬫᭂᬦ᭄ᬢᬲ᭄ᬢ᭄ᬯᬭᬲᬸᬤ᭄ᬥᬶ᭞ᬲᬓᬶᬂᬳᬤᬸᬂ
Page:Bali-lontar-paparikan-sarasamuscaya-300ppi.pdf/55
Jump to navigation
Jump to search
This page has been proofread.
