[᭘᭓ 83B]
᭘᭓
ᬤᬸᬄᬓᬵᬧᬸᬧᬸᬢ᭄ᬮᬭᬵ᭞ᬳᬾᬭᬂᬫᬤᬸᬮᬸᬭᬦ᭄ᬲᭂᬤᬶᬄ᭞ᬰ᭄ᬭᬷᬭᬦ᭄ᬢᬦᬚᬵ᭞ᬦᬗᬶᬲ᭄ᬲᬫ᭄ᬩᬶᬮ᭄ᬫᬓᬾᬮᬶᬂ᭟ᬳᬶᬗ᭄ᬕᬶᬄᬳᬤᬶᬲᬵᬫ᭄ᬧᬸᬦ᭄ᬓᬤᬸᬭᬸᬲ᭄ᬧᬶᬢᬺᬱ᭄ᬡᬵ᭞
ᬦᬸᬯᬸᬢᬂᬓᬬᬸᬦ᭄ᬲ᭄ᬥᬶᬄ᭞ᬫᬕ᭄ᬩᬕ᭄ᬓᬲᬸᬗ᭄ᬓᬦᬦ᭄᭞ᬩᭂᬘᬶᬓᬦ᭄ᬳᬤᬶᬢᬸᬮᬓ᭄᭞ᬫᬦ᭄ᬢᬓ᭄ᬓᬦᬵᬕᬭᬓᭂᬮᬶᬂ᭞ᬫᬗ᭄ᬥᬵᬧᬮᬾᬦᬓ᭄ᬮ᭄ᬬᬂᬳᬶᬤᬩ
ᬳᬚᬶ᭟ᬓᬮᬶᬄᬳᬤᬶᬫᬗ᭄ᬥᬵᬫᬗᬾᬃᬢ᭄ᬢ᭄ᬬᬂᬩᭂᬮᬶ᭞ᬤᬶᬕᬸᬦᬸᬂᬲᬦᬾᬫᬗ᭄ᬓᬶᬦ᭄᭞ᬗᬸᬢᬂᬗᬸᬢᬂᬳᬯᬓ᭄᭞ᬲᬥ᭄ᬬᬫᬦᬗᬸᬦ᭄ᬢᬧ᭞ᬗᬾᬃᬢ᭄ᬢ᭄ᬬᬂᬫᬗ᭄ᬥᬵᬓ
ᬧᬗ᭄ᬕᬶᬄ᭞ᬭᬶᬂᬚᬫᬦ᭄ᬢᬭᬵ᭞ᬮᬦ᭄ᬕᬮᬸᬄᬭᬗ᭄ᬓᬾᬲᬭᬶ᭟ᬢᬦ᭄ᬓᬮᬗᬦ᭄ᬤᬸᬲ᭄ᬓᬺᬢᬭᬓᭂᬢ᭄ᬫᬫᬶᬲᬦ᭄᭞ᬲᬶᬭᬧᬜ᭄ᬚᬶᬜᬳᬸᬭᬶᬦ᭄᭞ᬩᬦ᭄ᬩᬦ᭄ᬲᬳᬵ
[᭘᭔ 84A]
ᬲᭂᬫ᭄ᬩᬄ᭞ᬩᬗ᭄ᬕᬬᬂᬭᬢᬸᬢᬶᬢ᭄ᬬᬂ᭞ᬲᬮᬓᬸᬲᬾᬮᭀᬯᬦ᭄ᬫᬗᬶᬭᬶᬂ᭞ᬲᬤᬬᬦ᭄ᬢᬓᬵ᭞ᬗᬶᬦ᭄ᬢᬸᬧᬮᬶᬗ᭄ᬕᬶᬄᬩᭂᬮᬶ᭟ᬫᬗ᭄ᬓᬶᬦ᭄ᬦᬗᬶᬲ᭄ᬰ᭄ᬭᬷᬦᬭᬾᬦ᭄ᬤ᭄ᬭ᭞ᬭᬦ᭄ᬢᬦᬚ᭞ᬭ
ᬤᬾᬦ᭄ᬲᭂᬦᬢᬦ᭄ᬗᭂᬮᬶᬂ᭞ᬮᬦ᭄ᬓᬸᬤᬦᬶᬭᬃᬣᬵ᭞ᬢ᭄ᬓᬲᬸᬩᬫᬧᬬᬲ᭄᭞ᬦᬤ᭄ᬢᬤ᭄ᬘᭀᬢᬓᬫ᭄ᬩᭂᬦ᭄ᬕ᭄ᬭᬶᬗ᭄ᬲᬶᬂ᭞ᬫᬲᬧᬸᬢ᭄ᬲᬸᬢ᭄ᬭᬵ᭞ᬫᬲᬸᬮᬫ᭄ᬩᬳᬦ᭄ᬢᬗᬶ᭟ᬢᬸᬃ
ᬫᬧᬶᬗ᭄ᬕᭂᬮ᭄ᬓᬦᬳᬦ᭄ᬢᬸᬓ᭄ᬲᭂᬓᬃᬲ᭄ᬥᬄ᭞ᬫᬲᭀᬘᬩᬳᬦ᭄ᬧᭀᬤᬶ᭞ᬧᬢᬶᬢᬶᬲ᭄ᬢ᭄ᬭᬕᬲᬦ᭄᭞ᬫᬭᬸᬫ᭄ᬩᬶᬂᬫᬲᬲᭀᬘᬦ᭄᭞ᬢ᭄ᬭᬶᬥᬢᬢᭂᬩᬸᬲ᭄ᬩᭂᬘᬶ
ᬓ᭄᭞ᬫᬩᬸᬗ᭄ᬓᬸᬂᬤᬤ᭄ᬯᬵ᭞ᬫᬲᭀᬘᬩᬭᬓ᭄ᬓᬜ᭄ᬘᬶᬮ᭄᭟ᬢᬸᬃᬫᬲᭂᬓᬃᬳᬦ᭄ᬢᬸᬓ᭄ᬲᬸᬫᬦᬲᬧᭂᬢᬓ᭄᭞ᬯᬃᬡ᭄ᬦᬲᬚ᭄ᬚᬯᬩᬗ᭄ᬓᬶᬢ᭄᭞ᬲᬸᬢᬾᬚᬫᬧ
Page:Bali-lontar-paparikan-malat-01-550ppi.pdf/84
This page has been proofread.
